![](https://jhulenipost.com/wp-content/uploads/2024/01/Untitled-2.gif)
![](https://jhulenipost.com/wp-content/uploads/2023/11/English-add-1.gif)
![](https://jhulenipost.com/wp-content/uploads/2023/11/IMG_20231116_085822-533x400.jpg)
राक्षसी स्वभावका राजामाथिको बिजय उत्सवको रुपमा मनाईने ऐतिहासिक डल्ले सराय नाच आज लाग्दैछ। ‘जाँट वंशीय राक्षसी राजालाई पराजित गरेको अवसरमा त्यतिवेलादेखि निकाल्न थालिएको’ भन्ने किंवदन्ती रहेको डल्ले सराय नाचमा आज नेपाल सरकारका प्रवक्ता सञ्चार तथा सूचना प्रविधिमन्त्री रेखा शर्माले प्रमुख अथिती भई अवलोकन गर्ने प्यूठान नगरपालिकाका प्रवक्ता सुमनराज श्रेष्ठले बताए।
हरेक वर्ष भाईटिकाको अर्कोदिन लाग्ने डल्ले सराय नाच दशौं हजार दर्शकले अवलोकन गर्ने गर्दछन्। सराय नाचमा सहभागी भई उत्कृष्ट प्रदर्शन गर्नेहरुलाई पुरस्कार दिईन्छ। डल्ले सरायको प्रवर्द्घनका लागि प्यूठान नगरपालिकाले ५ लाख रुपैया बिनियोजन गरेको छ। उक्त रकम सरायको व्यवस्थापन तथा पुरस्कारमा वडा नं ७ मार्फत खर्च हुने प्यूठान नगरपालिकाका मेयर विष्णु योगिले बताए।
राक्षस स्वभावका राजाले वर्ष-वर्षमा एउटा मान्छेको मासु खाने गरेको र ती राजालाई पुन्यखोला डल्लेमा गई तरबारले हानेर मारेपछि यसैको खुसियालीमा चार गाउँबाट स्थानीय तरबार लिई वाख्यै/वाख्यै भन्दै नाच्दै खुसियाली मनाएको किम्बदन्ती रहेको छ ।
त्यसैबेलादेखि निरन्तर सराय नाच नाच्दै आइएको स्थानीय अगुवाहरु बताउछन् ।
![](https://jhulenipost.com/wp-content/uploads/2023/11/English-add.gif)
![](https://jhulenipost.com/wp-content/uploads/2024/01/Untitled-2.gif)