पशुपंक्षी वीमा सम्बन्धि तालिम झिमरुक गाउँपालिकामा सम्पन्न भएको छ । गाउँपालिका भित्र रहेका ८ वटै वडाका कृषक तथा कृषि पशुपालक अगुवा फर्म र कृषक समुहहरुलाई संयूक्त रुपमा १ दिने वीमा तालिम शुक्रबार आज सम्पन्न भएको हो ।

तालिममा वीमाको जोखिम, वीमाको अवधि, परिचय, वीमा गर्ने तरिका, वीमाको कागजात कसरी मिलाउने, कुन – कुन पशुपंक्षीको वीमा गर्ने लगायतका विषयमा प्रशिक्षण दिईएको झिमरुक गाउँपालिकाका पशु शाखा प्रमुख प्रेम जि.सीले जानकारी दिए । तालिममा २६ जना कृषक तथा कृषि पशुपालन फर्मका सहभागीहरुलाई तालिम दिईएको हो ।

गाउँपालिका अध्यक्ष पित बहादुर महतरा क्षेत्रीको अध्यक्षतामा सञ्चालन भएको कार्यक्रमको प्रमुख अतिथि प्रमुख प्रशासकिय अधिकृत पवन कुमार शाही र प्रशिक्षकमा नायब पशु स्वास्थ्य प्राविधिक कृष्ण बहादुर बस्नेत र पशु शाखा प्रमुख प्रेम जि.सी रहेका थिए ।