२०८० पुस १२सरुमारानी गाउँपालिकामा “परियोजना अनुगमन तथा समन्वय समिति” को बैठक सम्पन्न भएको छ । विहिबारको बैठकमा गाउँपालिका र हेफर प्रोजेक्टले सयूक्त रुपमा काम गर्ने सम्झौताको कार्यन्वयनका बिषयमा छलफल भएको सरुमारानी गाउँपालिका प्रवक्ता तथा ४ नं वडाका वडाध्यक्ष चिन्ता सोमै मगरले जानकारी दिए । यस साझेदारी कार्यक्रमले गाउँपालिका भित्र रहेका कृषि तथा पशुपालन गर्दै आएका किसानहरुलाई सहजिकरण गर्ने बताईएको छ ।
कृषि तथा पशु कार्यक्रमका लागि चालु आर्थिक बर्ष २०८०/०८१ मा गाउँपालिकाको ७० र हेफर प्रोजेक्टको तर्फबाट ३० प्रतिशत गरि ९९ लाख ५० हजार ८ सय ७७ रुपैयाँ बजेट विनियोजन गरिएको छ ।
“सरुमारानी कृषि तथा पशु उद्यमशिलता विकास परियोजना” अन्तर्गत पर्ने कार्यक्रमले कृषि तथा पशुपालनमा सुधार ल्याउने उदेश्य सहित हेफर प्रोजेक्ट नेपालका बोर्ड सदस्य आरती पौडेल र गाउँपालिकाका प्रमुख प्रशासकीय अधिकृत देविराम पाठकबीच गत मंसिर १३ गते सम्झौता पत्रमा हस्ताक्षर भएको थियो ।
गाउँपालिका अध्यक्ष झग बहादुर विश्वकर्माको अध्यक्षतामा सुरु भएको बैठकमा गाउँपालिका प्रमुख प्रशासकीय अधिकृत देबिराम पाठक, उपाध्यक्ष बसन्ता खड्का, हेफर प्रोजेक्टका बरिस्ठ कार्यक्रम अधिकृत महेश आचार्य, र सरुमारानी कृषि तथा पशु उद्यमशिलता विकास परियोजनाका संयोजक बेदराज पाण्डे लगायतको सहभागिता थियो ।
फोटो : चिन्ता सोमै मगर
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
