लुम्बिनी प्रदेशका अर्थमन्त्री धन बहादुर मास्कीले निम्न बर्गका व्यक्तिहरुको स्वास्थ्य वीमा गराईदिने आश्वासन दिएका छन् । आइतबार नेकपा माओवादी केन्द्र प्यूठान नगरकमिटीले आयोजना गरेको जनतासँग माओवादी विशेष रुपान्तरण अभियानको प्रशिक्षण कार्यक्रममा बोल्दै मन्त्री मास्कीले लुम्बिनी प्रदेशमा रहेका १२ वटै जिल्लामा यस्तो कार्यक्रम लिने बताएका हुन् । स्वास्थ्य नै धन भएको बताउँदै मन्त्री मास्कीले स्वास्थ्य क्षेत्रलाई आफ्नो पहिलो प्राथमिकतामा राखेको बताए ।

नगरकमिटी अध्यक्ष बिष्णु बहादुर योगीको अध्यक्षतामा भएको कार्यक्रममा लुम्बिनी प्रदेशका अर्थमन्त्री धन बहादुर मास्की, अभियानका जिल्ला इन्चार्ज निर्मल आचार्य, पार्टी जिल्ला संयोजक नमराज अधिकारी, प्रदेश कमिटी सचिवालय सदस्य प्रभात के।सी, उमा शर्मा लगायतका नेता तथा कार्यकर्ताहरुको उपस्थिति रहेको थियो । कार्यक्रमको सञ्चालन नगरकमिटी सचिव सुमनराज श्रेष्ठले गरेका थिए ।