लायन्स संस्थापक ला.मेल्विन जोन्सको १४८ औं जन्मोत्सवको अवसरमा लागू पदार्थ विरुद्ध सचेतना कार्यक्रम शारदा आधारभूत विधालयमा भएको छ । मंगलबार प्यूठान नगरपालिका ३ सापडाँडा स्थित शारदा आधारभूत विधालयका ८ र ९ कक्षाका बिधार्थीहरुलाई लायन्स क्लब अफ प्यूठानको आयोजना तथा ईलाका प्रहरी कार्यालय बिजुवारको समन्वयमा लागु पदार्थ दुव्र्यसनी सम्बन्धी सचेतना मुलक कार्यक्रम भएको हो ।प्यूठान नगरपालिका ३ का वडाध्यक्ष सुमनराज श्रेष्ठले यस्ता कुराहरु सिक्न आवश्यक रहेको बताए । साथै महत्वपूर्ण कार्यक्रमको लागि लायन्स क्लब अफ प्यूठान र ईलाका प्रहरी कार्यालय बिजुवारलाई धन्यवाद समेत दिए ।

कार्यक्रममा ईलाका प्रहरी कार्यालय बिजुवारका प्रहरी निरीक्षक मनोज सिह बोहराले लागू पदार्थले पार्ने असर, त्यसको बेफाइदा, लागू पदार्थबाट बच्ने उपाय लगायतको बारेमा जानकारी गराएका थिए ।

लायन्स क्लब अफ प्यूठानका रिजन पर्सन अर्जुन कुमार कक्षपतीले आफूले सिकेका कुरा आफुसँग मात्र सिमित नराखेर घरपरिवार सँगै गाउँसमाजमा समेत बुझाउन आग्रह गरे । लायन्स क्लब अफ प्यूठानका अध्यक्ष झविन्द्र शर्माको अध्यक्षतामा सञ्चालन भएको कार्यक्रममा प्यूठान नगरपालिका ३ नं वडाध्यक्ष सुमनराज श्रेष्ठ, लायन्स क्लब अफ प्यूठानका उपाध्यक्ष ध्रुर्व कुमार विष्ट, विद्यालय व्यवस्थापन समिति अध्यक्ष रविन्द्र खड्का, विद्यालका प्रधानाध्यापक गेहराज अधिकारी, ईलाका प्रहरी कार्यालय बिजुवारका हवल्दार हस्त बहादुर बि.क, सञ्चारकर्मी लगायतको सहभागिता रहेको थियो । लायन्स क्लब अफ प्यूठानका प्रतिनिधि सुर्य चन्द्र खनालले कार्यक्रमको सञ्चालन गरेका थिए ।