प्रतिनिधि सभा सदस्य सुर्य बहादुर थापाले अग्रजहरुले आफ्ना जिवन संघर्षका कथाहरु लेख्न आवश्यक रहेको बताए । रविश्वर थापाको सिर्जीत कृति “गौमुखी क्षेत्रमा अर्खाको चिनारी” पुस्तकको शनिबार आयुष्मा होटल जुम्रीमा विमोचन तथा उद्घाटन गर्दै सांसद थापाले यस्तो बताएका हुन् । नयाँ पुस्ताले पुराना कुराहरु विस्तारै लोभ गराउँदै गएको सन्दर्भलाई लिएर सांसद थापाले पुराना अग्रज व्यक्तिहरुले यस्तो कार्य गर्न जरुरी रहेको बताएका थिए । गौमुखी क्षेत्रलाई चिनाउन, सभ्य समाज निर्माण गर्न, समाज सुधार, पर्यटकीय विकास अघि बढाउन, अर्खामा भएका विभिन्न सांस्कृतिक अघि बढाउन यो पुस्तकले महत्वपूर्ण भूमिका खेल्ने पनि उनले बताएका हुन् ।

विमोचन कार्यक्रममा साहित्यकार बीपी सेढाईं, साहित्य परिषद प्यूठानका पूर्व अध्यक्ष गेहराज थापा, हालका कार्यबाहक अध्यक्ष विमला खनाल, नेपाल पत्रकार महासंघ प्यूठानका पूर्व अध्यक्ष गिरूप्रसाद भण्डारी, लेखकका मित भाइ सुरेन्द्र जिसी लगायतले शुभकामना मन्तव्य राखेका थिए ।

प्रकाशक मित्र थापाको आयोजनामा लेखक रविश्वर थापाको कृति “गौमुखी क्षेत्रमा अर्खाको चिनारी” पुस्तक विमोचन भएको हो ।