२०८० फागुन ४प्यूठान नगरपालिका ७ टाकुराचौर स्थित शिशु कल्याण प्रा.वि ले अभिभावक तथा अभिभावक शिक्षा अभिमुखिकरण तालिम सञ्चालन गरेको छ । शुक्रबार बच्चाहरुको खानपान, उचित शिक्षा, बानीब्यहोरा लगायतका कुरामा आफ्ना बच्चाहरुको लागि अति उपयोगी हुने भन्दै अभिभावकहरुका लागि शिक्षा अभिमुखिकरण तालिम सञ्चालन गरिएको विद्यालयका प्रधानाध्यापक जानका के.सीले जानकारी दिईन् । प्रधानाध्यापक के.सीले विद्यालयको शिक्षक शिक्षिका भन्दा नजिक रहेर सबैभन्दा बढि शिक्षा दिने स्वयम अभिभावक भएको बताउँदै बच्चाको भविष्यको बारेमा सोच्न अति आवश्यक रहेको जानकारी गराईन् । यस्ता महत्वपुर्ण कार्यलाई प्रभावकारी बनाउन ३ वटै तहका सरकारले चासो दिनुपर्ने समेत उनले बताईन।
साथै विद्यालयले अभिभावकको लागि महत्वपुर्ण तालिमको आयोजना गरेको भन्दै विद्यालयका पुर्व शिक्षक कमल प्रसाद पोख्रेलले विद्यालयको प्रशंसा गरे । तालिमको सहजिकरणमा मुकुन्द रिजाल रहेका थिए ।
विद्यालय व्यवस्थापन समिति अध्यक्ष दिपक पोख्रेलको अध्यक्षतामा सञ्चालन भएको तालिममा विद्यालयका शिक्षकशिक्षिका, ७० बढि अभिभावक लगायतको सहभागिता रहेको पनि प्रधानाध्यापक के.सीले जानकारी दिईन् ।
