प्यूठान गनरपालिका ७ गाजुरीमा रहेको सहिद स्मृति पार्कको निर्माण कार्य भइरहेको छ । थप व्यवस्थित गरि पर्यटकलाई मनमोहक तरिकाले भित्र्याउन विभिन्न संघसंस्था, स्थानीय तह, पर्यटन बोर्ड, प्रदेश सरकार, उद्योग बाणिज्य संघ लगायतको लगानीमा शहीद स्मृति पार्कमा भौतिक संरचना निर्माण गर्न लागिएको हो । केहि भौतिक संरचना निर्माण भइसकेका छन, भने केहि निर्माणाधिन छन् ।

पार्कमा अहिले क्यान्टिन, गार्ड भवन, शौचालय, गेट, टिकट काउन्टर र २ वटा पार्क निर्माण भइरहेको छ । सघन सहरी तथा भवन निर्माण कार्यालय घोराहीले ३ करोड ७९ लाख लागतमा हाल थप भौतिक संरचना निर्माण भइरहको छ । यसको लागि निर्माणको जिम्मा महेश इन्जिनियरिङ एण्ड विल्डर्स, सत्यवति कन्स्ट्रकस्न प्रा.लिले जिम्मा लिएको छ ।

आर्थिक बर्ष २०८०/०८१ भित्र निर्माण कार्य सकिने गरी गत भदौ देखि कार्य सुरु भएको सत्यवती कन्ट्रस्क्सन प्रा.लि का इन्जिनियर विवेक वलीले बताए । उनका अनुसार ९० प्रतिशत कार्य सम्पन्न भएको छ । पार्क निर्माणका लागि प्यूठान उद्योग बाणिज्य संघले २० लाख रुपैयाँ सहयोग गरेको संघका उपाध्यक्ष प्रमोद पोख्रेलले जानकारी दिए । पोख्रेलका अनुसार २०७४ सालको प्यूठान महोत्सवबाट आम्दानी भएको रकम पार्कमा लगानी गरिएको हो ।

यस्तै पार्क निर्माणको लागि आर्थिक बर्ष २०७६/०७७ मा प्रदेश सरकार र प्यूठान नगरपालिकाले ७० लाख रुपैयाँ खर्च भएको प्यूठान नगरपालिकाले जनाएको छ । यस्तै चालु आर्थिक बर्ष २०८०/०८१ को लागि प्यूठान नगरपालिका ७ वडाबाट ५ बिनियोजना भएको छ ।