व्यवसाय प्रवद्र्धन, नेतृत्व विकास र उत्पे्ररणा सम्बन्धी २ दिने तालिम प्यूठानमा सुरु भएको छ । लायन्स क्लब अफ प्यूठान, लायन्स क्लब अफ भित्रिकोट प्यूठानको मुख्य आयोजना तथा लायन्स क्लब अफ धर्मावती र लायन्स क्लब अफ स्वर्गद्धारीको सहआयोजनामा होटल व्यवसायी संघ प्यूठानको सभाहलमा शनिबारबाट तालिम सुरु भएको छ ।

लायन्स इन्टरनेश्नल डिस्ट्रीक ३२५ N का गभर्नर तथा कार्यक्रमका प्रमुख अतिथि समेत रहेका मुकुट ढकालले लायन्स क्लब अफ प्यूठानले गरेको कामको खुलेर प्रशंसा गरेका छन् । गभर्नर ढकालले लायन्स क्लब राजनीतिक, कुनै धर्म तथा लिङ्गको रुपमा नरहेको बताउँदै केबल सेवाको रुपमा परिचित भएको पनि बताए । साथै लायन्स क्लब अफ प्यूठानले प्यूठान अस्पतालमा आवश्यक डाएलासिसको लागि पठाएको प्रोजेक्ट स्वीकृत भई बजेट स्वीकृत भएर अगाडी बढिसकेको समेत जानकारी गराए ।

त्यस्तै जिल्ला समन्वय समिति प्यूठानका प्रमुख धरम बहादुर जि.सीले डायलासिसको लागि आर्थिकमा कुनै समस्या भएका त्यसको लागि सहजिकरण गर्ने भन्दै जिल्ला अस्पतालको लागि डायलासिसको काम सकेसम्म चाडै व्यवस्थापन गर्न आग्रह गरेका छन् ।

लायन्स क्लब अफ प्यूठानका अध्यक्ष झविन्द्र शर्माको अध्यक्षतामा सुरु भएको तालिमको प्रशिक्षकमा रुपेश्वर गौरदास रहेका छन् । ७० बढि सहभागिहरुको तालिम शनिबार र आइतबार चल्ने भएको छ ।