२०८० फागुन २९मल्लरानी गाउँपालिका–३ जेविन्डाँडाका युवा समाजसेवी बिष्णु शर्माले जन्मदिनको फजुल खर्च कटाएर गरिब तथा पिडित परिवारलाई आर्थिक सहयोग गरेका छन् । मंगलबार शर्माले आफ्नो ३०औं जन्मदिनको अवसरमा मल्लरानी– २ मधुगैरा बस्ने एक गरिब तथा (बेसहारा) दिनबहादुर नेपालीलाई रु ५ हजार रुपैयाँ आर्थिक सहयोग गरेका हुन् । उनले दिन बहादुरको बस्ने बास निकै जिर्ण भएको हुँदा उक्त घर मर्मत गर्न केही हदसम्म सहयोग पुगोस भन्ने उद्देश्य सहित सहयोग गरेको बताए ।
आर्थिक सहयोग हस्तान्तरण गर्दै शर्माले आधुनिकता सँगसँगै जन्मदिनलाई पछिल्लो समयमा भड्किलो र प्रतिस्पर्धात्मक रुपमा लगि समाजमा विदेशी संस्कृति भित्राउने चलन बढ्दै गएको बताउँदै आफूले त्यसो नगरी आफ्नो जन्मदिनलाई रचनात्मक तरिकाले मनाएको बताए ।
प्यूठान घर भएका शर्मा राजनीति, समाजसेवा सँगै अर्जुन इङलिस बोडिङ्ग स्कुल भूमिकास्थान अर्घाखाँची ढाकावाङ्गका प्रिन्सिपल र ढाकावाङ्गमै प्यूठान डटकम कम्प्युटर संचालन समेत गर्दै आएका छन् ।
