सरुमारानी गाउँपालिका ४ माडी नदी माथी झोलुङ्गे पुलको निर्माण कार्य सुरु भएको छ । वडा नं ४ खन्नेबगर देखि सिरुबगर सम्म जोड्ने १ सय १७ मिटर लम्बाईको झोलुङ्गे पुल निर्माणाधिन अवस्थामा रहेको वडाध्यक्ष चिन्ता सोमै मगरले जानकारी दिए । उनका अनुसार गाउँपालिकाको १३ प्रतिशत र संघिय शर्सत अनुदान मार्फत कुल ७२ लाख ८९ हजार १ सय ३३ रुपैंँया लागतमा काम सुरु भएको छ ।

उपभोक्ता समिति मार्फत बैशाख १५ गतेसम्म सम्पन्न गर्ने गरी काम ४५ प्रतिशत काम सम्पन्न भएको छ । पुल निर्माण पश्चात पूर्णागाउँ, अम्मरे, खन्नेबगर, सञ्जोखोला लगायतका स्थानीयले लाभ लिने भएका छन् । ७५ घरधुरी भएको सो क्षेत्रका साढे ३ सय जनालाई आवतजावत गर्न सहज हुने भएको वडाध्यक्ष सोमै मगरले जानकारी दिए ।

पुल नवन्दा त्यहाँका स्थानीयले करिब ३ घण्टाको घुमाउँरो बाटो मार्फत यात्रा गरिरहेका थिए । अब पुल सम्पन्न भएपछि १ घण्टामा वडा कार्यालय पुग्न सकिने भएको छ ।