दाङमा भएको सवारी दुर्घटनामा २ जना घाइते भएका छन । प्युठानदेखि बुटवल जाँदै गरेको रा १ ज ७६० नम्बरको टाटा सुमो र विपरित दिशाबाट आउँदै गरेको ना ५६ प १३८१ नम्बरको मोटरसाइकल एक अपसमा ठोकिंदा दाङ र प्युठानको सीमाना नजिकै पर्ने बगासोतीमा दुर्घटना भएको हो ।

वुधवार बिहान राप्ती गाउँपालिका १ मा पर्ने वगासोतीमा भएको दुर्घटनामा मोटरसाइकल चालक सल्यान घर वताउँने ४८ वर्षिय खिम बुढा गम्भीर घाइते भएका छन । उनको टाउको र मुखमा चोट लागेको छ ।

घाइते खिम वुढालाई भालुवाङ अस्पतालमा सामान्य उपचार पश्चात सि ।टि स्क्यानका लागि वुटवल रिफर गरिएको भालुवाङ अस्पतालका डाक्टर सृजल श्रेष्ठले बताए । उनका अनुसार मोटरसाइकलको पछाडी बसेका दाङ घर वताउँने २४ वर्षिय चितराम चौधरी सामान्य घाइते भएका छन् । उनको भालुवाङ अस्पतालमै उपचार पश्चात घर पठाइएको छ ।

टाटा सुमोमा सवार सवै सकुसल रहेको प्रहरीले जनाएको छ ।