प्युठान,२३ मंसिर । प्युठानमा जेसीबिले चाप्दा एक जनाको मृत्यु भएको छ । मल्लरानी गाउँपालिका –३ बर्बोटका ३६ बर्षिय विष्णु प्रसाद पौडेलको मृत्यु भएको हो ।
लोहनी ब्रदर्स कम्पनिले ठेक्का लिएको खलंगा जोगिटारी सडकमा बिगत केही बर्षदेखी उनले काम गर्दै आएका थिए । दिनभरिको काम सक्काएर शनिवार साझ खलंगाबाट क्याम्प तर्फ फर्कदै गर्दा साल्ठाटी खोलामा साझ ६ बजेतिर जेसिबि पल्टिँदा उनलाइ च्यापेको कम्पनिका कर्मचारीले बताउछन् ।
जेसिबिले चापेका विष्णुलाई उपचारका लागि जिल्ला अस्पतालमा लगिएको थियो । उपचारको क्रममा अस्पतालमा पौडेलको मृत्यु भएको जिल्ला प्रहरी कार्यालयका निमित्त प्रहरी प्रमुख देवी
प्रसाद पौडेलले जानकारी दिए ।
मृतकका आफन्तले कम्पनीसंग बार्ता र घटनाको तथ्य नखुल्दा सम्म शव नबुज्ने भएका छन । शव अहिले जिल्ला अस्पतालको मुर्दा घरमा राखिएको छ । निमित्त प्रहरी प्रमुख पौडेलका अनुसार जेसिबि चालक शनिवार राती १० बजेतिर प्रहरिको सम्पर्कमा आएको बताए । दुबै पक्षलाई सङै राखी आईतबार घटनाको प्रकृति बारे छलफल गरि बार्ता गर्ने उनले बताए । । उनका अनुसार शवको मुजुल्का र पोष्टमार्टम पछि आफन्तलाई जिम्मा लगाउने बताए । मृतक पौडेलका श्रीमती २ छोरा र १ छोरी रहेका छन् ।
स्थानीय आक्रोसित
विष्णुको घरपरिवार, आफन्तीलाई कुनै पनि जानकारी नगराइ एक्कासि कम्पनिका कर्मचारि र प्रहरीको समुहले शवलाई प्युठान अस्पताल ल्याउदाँ स्थानीय आक्रोषित भएका छन् ।शवलाई टिप्परमा राखी प्युठान अस्पतालमा ल्याईएको मृतक का आफन्तहरु बताउछन् ।
मृतकलाई जिल्ला अस्पतालमा ल्याई उनको शरिरमा हेर्दा शरीरका विभिन्न भाहहरुमा चोट , अनुहारभरी निलो डाम, पेट तथा छातिमा सिसाका टुक्रा , टाउको थिच्चिएको ,साथै नाक मुख बाट रगत आईरहेकोले पनि उनलाई कसैले मारेको हुन सक्ने आंशका स्थानियले गरेका छन् ।
