![](https://jhulenipost.com/wp-content/uploads/2024/01/Untitled-2.gif)
![](https://jhulenipost.com/wp-content/uploads/2023/11/English-add-1.gif)
![](https://jhulenipost.com/wp-content/uploads/2018/12/tin-bitaran-rajwara-533x400.jpg)
गौमुखि गाउपालिकाले खरको छानोमुक्त गांउ वनाउनका लागि जस्तापाता वितरण सुरुवात गरेको छ। गरिव घरपरिवारलाई लक्षित गरि जस्तापाता वितरण कार्य सुरु गरिएको गौमुखि गाउपालीकाका अध्यक्ष विष्णुकुमार गिरीले वताए।
गांउपालीका भरका १ हजार ६ सय ३३ घरपरिवारका लागि ५ हजार ५ सय ५४ वण्डल जस्तापाता वितरण गर्न लागिएको हो। जसका लागि गाउंपालीकाले ५ करोड २८ लाख ४४ हजार ६ सय ८० रुपैया रकम विनियोजन गरेको छ। कार्यविधि निर्माण गरि गांउपालीकामा सर्वे गरेर जस्तापाता वितरण सुरु गरिएको गांउपालीकाका प्रमुख प्रशासकिय अधिकृत प्रेमचन्द्र अर्यालले जानकारी दिए। कार्यविधिका अनुसार खरको छानो भएपनि स्थायि जागिर, पेन्सन र आर्थिक अवस्था मजवुत भएकाहरुलाई जस्तापाता वितरण गरिने छैन। साथै घर छाउनका लागि तयार भईसकेपछी मात्र जस्तापाता वितरण गर्नेगरी तयारी अगाडि वढाईएको प्रशासकिय अधिकृत अर्यालले वताए।
सोमवार गौमुखि गाउपालीका ३ रजवारावाट यो अभियानको सुरुवात गरिएको छ। घर छाउन तयार पारेका तिला मल्ल र कुल वहादुर मल्ललाई टिन वितरण गरि अभियानको सुरुवात गरिएको छ। टिन वुझ्दै तिला मल्लले गांउपालीकाले वितरण गरेको टिनले परिवारको जोखिम र वर्षैपिच्छे घर छाउने समस्यावाट मुक्त हुने आसा रहेको वन्दै गांउपालीकालाई धन्यवाद दिईन। ‘टिन पाउंदा म अत्यन्तै खुसि छु, सरकार घरमै आयजस्तो भएको छ।’ मल्लले भनिन ‘मजस्ता अरु गरिव घरपरिवारले पनि यो पाउन भन्ने आसा छ।’ रजवारामा मात्रै ५ सय ५ घरधुरीले टिन पाउनेछन्। जसका लागि घर छाउन तयार पारेर वडाकार्यालयमा निवेदन दिनुपर्नेछ।
विभिन्न विकास निर्माण लगायतका कार्यहरु थाति राखेर जनताको घरलाई खरको छानोमुक्त वनाउने अभियान सुरुवात गरिएको गाउंपालीकाका अध्यक्ष विष्णुकुमार गिरीले वताए। ‘हामिले चुनाव जितेपनि हारेपनि सवैका लागि शाझा दुस्मन भनेकै गरिवि हो। त्यसैले गरिव जनताको आसु पुछ्न र जनताको दैलोमा सरकार आएको महसुस गराउन हामिले अन्य काम छोडेर गरिव जनताको घर छाउने कार्यक्रमलाई अगाडि वढाएका हौं।’ गाउंपालीका अध्यक्ष गिरीले भने–‘हामिले यो कार्यक्रम सञ्चालन गर्ने क्रममा विभिन्न विकास योजनाहरुको कटौति गर्नुपरेको छ। कार्यक्रमले जनसमुदायमा वास्तविक प्रभाव पार्नेछ भन्ने विश्वास छ।
गौमुखि गाउंपालीका वर्डा नं ३ का वर्डाअध्यक्ष जंग वहादुर पुनले स्थानिय सरकारको यो कार्यक्रमले गरिव परिवारमा खुसी ल्याउने वताए। कार्यक्रममा स्थानियले आफुहरु यो कार्यक्रमवाट खुसी भएको भन्दै विद्युत, सडक, शिक्षा, स्वास्थ्य र खानेपानिको समस्या रहेको भन्दै ति समस्या समाधानको पहल गरिदिन स्थानिय सरकारसंग माग गरेका छन्।
![](https://jhulenipost.com/wp-content/uploads/2023/11/English-add.gif)
![](https://jhulenipost.com/wp-content/uploads/2024/01/Untitled-2.gif)