बिबश जि.एम२०८० चैत २३
२०८० चैत २३स्वर्गद्धारी नगरपालिका ८ मा गाडी दुर्घटना हुँदा ५ जना घाईते भएका छन् । भिङ्ग्रीबाट धन्चौर जाँदै गरेको लु १ ज ३५६१ नं को फोर्स गाडी शुक्रबार साझ ५ः१५ मा दुर्घटना भएको जिल्ला प्रहरी कार्यालय प्यूठानका सूचना अधिकारी हुमानन्द खनालले जानकारी दिए । उनका अनुसार उकालो चढ्ने क्रममा गाडीको ब्रेक नलाग्दा पछाडी सरी भित्तामा ठोकिन पुगेको थियो ।
गाडीमा सवार १२ जना मध्य ५ जनालाई उपचारको लागि जिल्ला अस्पताल बिजुवार लिएको छ । घाईते हुनेहरुमा स्वर्गद्धारी नगरपालिका ८ गोरुप्प बस्ने ४७ बर्षिय ठगिराम घर्तीमगर, सोही ठाउँकै २६ बर्षकी आस्ना घर्तीमगर, ३५ बर्षकी भिमा भण्डारी, १६/१६ बर्षकी लक्ष्मी सुनार र मिना सुनार रहेका छन् । उनीहरुको अवस्था सामान्य रहेको प्रहरीले जानकारी दिएको छ ।
गाडी चालकलाई प्रहरीको नियन्त्रणमा राखिएको छ ।
