News Portal

रेडियो सुन्नुहोस्

सेनावाट अवकासपछी बाख्रापालन ब्यवसायमा ।

राजेश जीसी२६ मंसिर, प्यूठान
९७३ पटक
२६ मंसिर, प्यूठान

जीन्दगीको उर्जाशील समय सैनिक पेशामा जीबन वितिएका स्वर्गद्धारी नगरपालीका ४ का अमरराज श्रेष्ठ,जयन्त प्रसाद श्रेष्ठ तथा स्थानीय तिन जना ब्यक्तिहरु मिलेर बाख्रापालन ब्यवसायमा लागेका छन । २० वर्ष सम्मको सैनिक जीवनवाट अवकास लिएका २ जना पुर्वसैनिक अमरराज श्रेष्ठ र जयन्त श्रेष्ठ तथा अन्य तीन जना स्थानीय युवाहरु मिलेर सामुहिक रुपमा बाख्रापालन ब्यवसाय गरेका हुन् । सयूक्त लगानीमा सञ्चालन गरेको ब्यवसाय स्वर्गद्वारी नगरपालीकामा जयन्त प्रसाद श्रेष्ठको नाममा उनीहरुले ब्यवसाय दर्ता गराएका छन् । उनीहरुले माण्डवी कृषि तथा पसुफर्म दर्ता गरी ब्यवसाय सुरु गरेका छन । उनीहरुले ५० वटा विभिन्न जातका वाख्राका पाठापाठीबाट ब्यवसाय सुरु गरेका छन । अहिले बाख्रापालन ब्यवसायका लागी आधुनिक किसिमको खोर निर्माण गरेका छन ।

उनीहरुले अहिले ८० वटा बाख्रा अट्ने गरी ८ वटा कोठाको आधुनिक खोर निर्माण गरिसकेका छन । सो ब्यवसायका लागी ५ जनाले प्रतिब्यक्ति ५ लाख रुपैया सकंलन गरेर ब्यवसाय सञ्चालन गरेका हुन् । हालसम्म ३० लाख रुपैया लगानी भईसकेको ब्यवसायि जयन्त प्रसाद श्रेष्ठले बताए । सो फर्ममा अहिले २० वटा वोएर जातका पाठापाठी र २० वटा स्थानीय खरीजातका बाख्राका पाठापाठी पालन गरेका छन । जिल्लामा खसीबोकाको माग राम्रो भएको भन्दै आफुले उत्पादन गरेका खसीबोकाहरुले बजार पाउने उनीहरुले बताए । जीबनभरी अर्काको देशमा कति रगत पसिना बगाउने अब आफ्नौ देशमा केही गर्नुपर्छ भनी बाख्रापालन ब्यवसायतर्फ लागेको उनीहरु बताउछँन ।

बाख्रापालनका लागी उनीहरुले आफ्नो घर वरीपरी ब्यवस्थित घास रोपेका छन । उनीहरुले नेपियर,किम्बु तथा बहुबर्षीय घास रोपेका छन । बाख्रापालन ब्यवसाय बाहेक प्रेम वहादुर श्रेष्ठले स्वर्गद्वारी नगरपालिकाको भिंग्रीमा हार्डवयर ब्यवसाय र अर्का ब्यवसायी पशुपति श्रेष्ठले सोहि ठाउँमै कपडा, भाडा र फेन्सी पसल सञ्चालन गरेका छन् । विभिन्न ब्यवसाय र रोजगारिसगैं सामुहिक बयवसायमा लागेका उनीहरुले गाउका ३ जनालाई रोजगार समेत दिएको ब्यवसायी पशुपति श्रेष्ठले बताए । उनले भने,‘हामीले प्रतिब्यक्ति १० हजार रुपैया तलब दिएका छौँ ।’ हामी बाहेक गाउँका केही ब्यक्तिले रोजगारी समेत पाएको उनले बताए ।

जिल्लामा खसिवोकाको राम्रो माग भएपनि उत्पादन नहुदा वर्षेनी लाखौ रुपैयाको खसिवोका छिमेकि जिल्ला दाङ्ग, कपिलवस्तु लगाएतका जिल्लावाट भित्रिने गरेको छ । खसिको मासुमा जिल्लालाई अन्यत्र जिल्लासग निर्भर हुनु परेको उनीहरुले बताए । र्फममा आफुले पालन गरेका पाठापाठील ६/७ महिनापछि उत्पादन दिने र त्यसपछि मात्रै आम्दानीको वाटो खुल्ने बासुदेब श्रेष्ठले बताए । उनले भने,‘काम गदै जादाँ धेरै समस्या आउदो रहेछ तर छिमेकीले ब्यवसाय गर्ने थप हौसला दिदाँ आत्मबल बढेको छ ।’ हाल केही थोरै संख्यामा मात्रा बाख्रापालन गरेपनि आगामी दिनमा त्यसलाई बढाउदै जाने श्रेष्ठले बताए । विहान देखी साझँदेखी सबैले पालो गरेर फर्म र वाख्राहरुको हेरचाह गर्ने गरेका गर्ने गरेका छन । स्थानीय तहले कृषि गर्नेहरुलाई आबश्यक सहयोग तथा प्राबिधिक सहयोग दिए युवाहरुलाई स्वदेश मै रोजगारी दिन सकिने उनीहरुको बुझाई छ । युवाहरुलाई स्वदेश काम गर्ने बाताबरण मिलाउन सके सरकारले अ‍ैगिकार गरेको “शुखी नेपाली, समृद्ध नेपाल”को नाराले सार्थकता पाउने धारण ब्यक्त गरे ।

प्रतिकृया दिनुहोस्

आगलागी सम्बन्धी कृतिम अभ्यास कार्यक्रम बिजयनगरमा सम्पन्न

“समुदायको अगुवाईमा विपद जोखिम न्यूनीकरण परियोजना” अन्तर्गत आगलागी सम्बन्धी कृतिम अभ्यास कार्यक्रम बिजयनगरमा सम्पन्न भएको...

आजदेखि नयाँ शैक्षिक सत्रको भर्ना अभियान सुरु

नयाँ शैक्षिक सत्र २०८१ को विद्यालय भर्ना अभियान आजदेखि सुरु भएको छ । ‘सबै बालबालिकाको...

२०८२ मा उज्यालो प्यूठान घोषणा हुने

२०८२ सालसम्म प्यूठान जिल्ला पूर्ण विद्युतिकरण हुने नेपाल विद्युत प्राधिकरण वितरण केन्द्र प्यूठानले जनाएको छ...

मल्लरानीमा दोस्रो (फूडफेस्टिवल) खाना महोत्सव सुरु

मल्लरानीमा आजदेखि खाना महोत्सव सुरु भएको छ । नयाँ बर्षमा मल्लरानी जाऔं, प्राकृतिक रमणीय दृश्यवलोकनका...

अहिलेको शैक्षिक अवस्था, एक चिन्तन

आजभोली विद्यालय शिक्षाको बार्षिक नतिजा प्रकाशनको समय भएकोले नतिजा प्रकाशन र यसका सन्दर्भमा विभिन्न कोणबाट...