प्यूठान जिल्लामा बैंक तथा वित्तिय संस्थाहरुको तदर्थ समिति गठन गरिएको छ । जिल्लाका सबै बैंक तथा वित्तिय संस्थाहरुको प्रतिनिधित्व हुने गरी वुधबार जुम्री स्थित होटल आयुष्मा मा बसेको बैठकले सिद्धार्थ बैंकमा कार्यरत हरी प्रसाद न्यौपानेको अध्यक्षतामा १३ सदस्य समिति गठन गरेको हो ।जसको उपाध्यक्ष योगेन्द्र विष्ट शाईन रेसुङ्गा डेभलपमेन्ट बैंक, सचिव बसन्त बहादुर के.एम मुत्तिनाथ बिकास बैंक, कोषाध्यक्ष सुदर्शन पुडासैनी डिप्रोक्स लघुवित्त बित्तिय संस्था भएका छन् । सदस्यहरुमा सचेत श्रेष्ठ हिमालय बैंक, दधिराम भण्डारी एन आई सी एसिया बैंक, टेक बहादुर बटाला सूर्यदय लघुवित्त वित्तिय संस्था, कृष्ण शाह उन्नती सहकार्य लघुवित्त संस्था, टेक बहादुर कुवर ज्योति विकास बैंक, विक्रम जि।सी हिमालय बैंक, अर्जुन खनाल कामना सेवा विकास बैंक रहेका छन् । त्यस्तै २ जना सल्लाहाकारमा सरोज सापकोटा हिमालय बैंक र दिपेन्द्र सुनार राष्ट्रिय बाणिज्य बैंकबाट छनोट भएका छन् ।

साथै भेलाले प्युठान जिल्लामा रहेका सम्पुर्ण वैंक तथा वित्तिय संस्थाहरुमा कार्यरत कर्मचारीको हक हितका लागि संगठित गर्नुका साथै आदीकारिक निकायमा दर्ता गर्ने निर्णय भएको समितिका सदस्य दधिराम भण्डारीले बताए ।