जिबावती सामुदायिक विपद व्यवस्थापन समितिले प्यूठान नगरपालिका ३ बिजयनगरका आगलागी पिडितलाई राहत सामाग्री उपलब्ध गराएकोे छ । बैशाखा १३ गते सामुदायिक बनमा लागेको आगो सेपुङ, मान्द्रेचौर, ओखरबोट, मटेङपोखरा लगायतका बस्तीमा आउँदा ३ घर, ६ गोठ पूर्णरुपमा जलेर नष्ट भएका थिए ।

घर, गोठ, पशुचौपाय, लत्ताकपडा, खाद्यान्न सबै जलेर नष्ट भएका सेपुङका प्रेमलाल सापकोटालाई बुधबार जिबावती सामुदायिक विपद व्यवस्थापन समितिले राहत सामाग्री उपलब्ध गराएको हो ।

सापकोटालाई चामल, दाल, नुन, तेल, चाउँचाउँ, बिस्कुट लगायतका सामाग्रीहरु घरमै पुगी राहत उपलब्ध गराएको जिबावती सामुदायिक विपद व्यवस्थापन समितिका अध्यक्ष हेमन्त पाठकले जानकारी दिए । उनका अनुसार अन्य आगलागी पिडितहरुलाई पनि सहयोग गर्ने तयारीमा रहेको छ । उनीहरु तत्काललाई आफन्तको घरमा बस्दै आएका छन् । साथै सापकोटाको परिवारले घर निर्माणको लागि समेत सहयोगको अपिल गरेका छन् ।