लुम्बिनी प्रदेशका स्वास्थ्यमन्त्री दिपेन्द्र कुमार पुन मगर (सिजल) ले प्यूठान अस्पत्तालको निरिक्षण गरेका छन् । प्यूठान अस्पत्तालको भौतिक संरचना, निर्माणाधिन संरचनाहरु, शल्यक्रिया कक्ष, आकस्मिक कक्ष, प्रयोगशाला लगायत सवै क्षेत्रको निरिक्षण गरेपछि मन्त्रि पुनले अस्पत्तालको विकासका लागि आफुले आवश्यक पहल गर्ने वताए ।

नवनियुक्त मन्त्रिलाई प्यूठान अस्पत्ताल विकास समितिका अध्यक्ष विजय विराज विष्टले स्वागत गरेका थिए ।

निरिक्षण लगत्तै अस्पत्ताल विकास समितिका अध्यक्ष विष्टको अध्यक्षतामा भएको अन्तरक्रिया कार्यक्रममा निमित्त मेडिकल सुपरिटेन्डेन्ट प्रमिला खनालले अस्पत्तालको वर्तमान अवस्था र समस्याहरु मन्त्रिलाई जानकारी गराएकि थिईन ।

भौतिक संरचना तथा चिकित्सकको आवासको अभाव, विधुत समस्या, स्वास्थ्यकर्मिले नियमानुसार पाउने सुविधाको अभाव लगायतका समस्यासंग जुध्दै सेवालाई निरन्तरता दिईएको खनालले वताईन ।

कार्यक्रमलाई सम्बोधन गर्दै मन्त्रि पुनले चुस्त प्रशासन एवं ईमानदार र गुणस्तरिय सेवाप्रवाह गर्न निर्देशन दिए । सवै प्रादेशिक अस्पत्ताललाई ध्यानमा राखेर आवश्यकताको आधारमा सम्बोधन गर्ने योजनामा रहेको मन्त्रि पुनले बताए ।

कार्यक्रममा प्यूठान नगरपालिकाका मेयर विष्णु बहादुर योगी, पुर्वमेयर अर्जुन कुमार कक्षपती, प्युठान नगरपालिकाका प्रवक्ता एवँ ३ न‌ वडा अध्यक्ष सुमनराज श्रेष्ठ लगायतको उपस्थिती रहेको थियो ।