२०८१ वैसाख २४मल्लरानी गाउँपालिका –३ मुन्डाँडा निवासी ८१ वर्षिय दुर्गाबहादुर पौडेलले विस्तारामै सामाजिक सुरक्षा भत्ता पाएका छन ।
वृद्ध वृद्धाहरुका लागि सरकारले दिदै आएको सामाजिक सुरक्षा भत्ता आइतबार मल्लरानी गाउँपालिका –३ का वडाध्यक्ष नोमराज पौडेलले दुर्गा बहादुरको घरमै बैंकका कर्मचारी लगेर सामाजिक सुरक्षा भत्ता उपलव्ध गराएका हुन् ।
शाइन रेसुङ्गा डेभलपमेन्ट बैंक खलंगा शाखाका प्रमुख विन्जुन वस्नेत सहितको टिम मुन्डाँडामा रहेको जनकल्याण आधारभुत विद्यालय चौथिलगाउनेमा भत्ता वितरण गर्न पुगेका थिए ।
बिरामी परी बिस्तारामा थलिएका दुर्गाबहादु घर नजिकैको विद्यालयमा समेत पुग्न नसकेपछि बैंकका कर्मचारीसंग सहजीकरण गरी घरमै सामाजिक सुरक्षा भत्ता उपलब्ध गराएको वडाध्यक्ष नोमराज पौडेलले बताए ।
‘‘केहिदिन पहिले बिरामी परेका गाउँका माइलाबालाई भेट्न घरमै पुगेको थिए उनले भने,– त्यहि बेला उहाँले सासैसासले मेरो भत्ता कहिले आउँछ बाबु भनेको सुन्दा म झनै भावुक भएपछि घरमै भत्ता पुर्याएको हुँ ।”
आफ्नो वडाका नागरिकलाई घरमै पुगेर सेवा गर्न पाउँदा असाध्यै खुसी महसुस गरेको भन्दै आगामी दिनमा पनि सदैव जनताकै सेवामा लाग्ने विश्वास दिलाएका छन् ।
प्युठान सदरमुकाम खलंगाबाट बुझ्दै आएको सामाजिक सुरक्षा भत्ता मल्लरानी गाउँपालिकाका नगरिकहरुले अहिले गाउँगाउँमै पाएका छन् । ३ नम्बर वडाको चौरपानी र मुन्डाँडा गरी २ स्थानबाट सामाजिक सुरक्षा भत्ता वितरण गर्दै आएको सामाजिक सुरक्षा तथा पञ्जीकरण शाखामा कार्यरत लक्ष्मी पोख्रलले बताइन् । अति अशक्त भएका कारण सुरक्षाकर्मी सहित ८१ वर्षिय दुर्गाबहादुरको घरमै पुगेर पहिलो पटक भत्ता वितरण गरेको पोख्रेलले बताइन् ।
