इन्फिनिटी लघुवित्त संस्थाले समुह प्रमुख गोष्ठि तथा वित्तिय साक्षरता कार्यक्रम गरेको छ । सोमबार होटेल आयुष्मा जुम्रीमा इन्फिनिटी लघुवित्त वित्तिय संस्था लि। शाखा कार्यालय बिजुवारले कार्यक्रम सम्पन्न गरेको हो ।

कार्यक्रममा अनुगमन अधिकृत माधव सापकोटाले संस्थाको संरचना दृष्टिकोण, प्रगति, संचालन प्रक्रिया एवं वित्तिय साक्षरता सम्बन्धि गोष्ठी तथा प्रशिक्षण दिएका थिए । यस्तै शाखा प्रमुख विजय कुमार बोगटीले शाखाको हाल सम्मको प्रगति विवरण सहित स्वागत मन्तव्य राखेका थिए । विशेष अथिति प्यूठान नगरपालिका ४ का वडा सदस्य माया बिक गहतराजले खर्च कम गर्ने, बचत बढी गर्ने, कर्जा सदुपयोग गर्ने र राम्रो उद्यमी बन्ने सल्लाह सुझाव दिएकी थिईन ।

कार्यक्रममा ४८ वटा समुह मध्ये ३ समुहलाई पुरस्कार वितरण गरिएको छ । पहिलो पैयापानी इन्फिनिटी समुह, द्धितिय मिलिजुली इन्फिनिटी समुह, र तृतिय रातामाटा इन्फिनिटी समुहलाई पुरस्कार वितरण गरिएको थियो । प्रथम, द्धितिय र तृतिय हुने सबै समुहलाई घडी, बलपेन र प्रमाणपत्र सहित पुरस्कार वितरण गरिएको हो ।

साथै कार्यक्रममा उत्कृष्ट सफल व्यवसायी आशा जि।सी लाई सम्मान समेत गरिएको थियो भने कार्यक्रमको सञ्चालन सुवास सुनारले गरेका थिए ।