काठमाडौंबाट प्युठान आउँदै गरेको यात्रुबाहक बस र ट्रक एक आपसमा ठोक्किदा एक जनाको मृत्यु भएको छ । मुग्लिङ–नारायणघाट सडक खण्डको दासढुङ्गा नजिकै एक आपसमा ठोक्किदा बसमा सवार यात्रुहरु केहि घाइते भाएका छन् ।

सोमबार राती काठमाडौंबाट प्यूठानको लागि छुटेको बा ४ ख ९०८६ नम्बरको बस बिपरित दिसाबाट आउँदै गरेको ट्रक एक आपसमा ठोक्किएको स्वर्गद्वारी यातायात व्यवसायी समिति प्यूठानका महासचिव चन्द्रमान श्रेष्ठले जानकारी दिए ।
दुर्घटनामा परि घाइते यात्रुको चितवन मेडिकल कलेजमा उपचार भैरहेको छ भने एक जनाको भने मृत्यु भइसकेको श्रेष्ठको भनाई छ । तर उनका अनुसार घाइतेको पहिचान भने अझै खुलेको छैन् ।

दुर्घटना बारे थप विवरण आउन बाकी छ । अहिले घटना स्थल प्रहरी पुगेको बताइएको छ । दुर्घटना भएको थाहा पाए लगत्तै यातायात व्यवसाय समितिको टोलि घटना स्थलतर्फ जान लागेको छ ।