प्युठानमा वेवारिसे अवस्थामा एक महिलाको शव फेला परेको छ । सोमबार राती ७ः४५ बजेको समयमा माण्डवी गाउँपालिका ५ रम्दी आँपचौर स्थित झिमरुक नदीको किनारमा पहिचान नखुलेको महिलाको शव फेला परेको जिल्ला प्रहरी कार्यालय प्यूठानले जनाएको छ ।

अन्दाजी ३५–४० बर्षकी महिला झिमरुक नदीको किनारमा मृत अवस्थामा भेटिएपछि शव पहिचानको लागि जिल्ला प्रहरी कार्यालय प्यूठानले सामाजिक सञ्जालमा सूचना प्रकाशित गरेको छ ।

उक्त महिलाको उचाई ५ फिट, हल्का कालो गोरो वर्ण भएको, दुबै कानमा सुनको जस्तो देखिने टप र नाकमा फुली लगाएको प्रहरीले जनाएको छ ।