लुम्बिनी प्रदेशका मुख्यमन्त्री चेतनारायण आचार्यले बर्दिया जिल्ला पर्यटनको दृष्टिकोणले अन्तर्राष्ट्रिय हब बन्दै गएको  बताएको छन् ।

बर्दिया राष्ट्रिय निकुञ्जले बाघ, हात्ती, गैँडा लगायतका दुर्लभ वन्यजन्तु संरक्षणको क्षेत्रमा महत्त्वपूर्ण योगदान पुर्‍याएको उल्लेख गदै आचार्यले यो जिल्ला राष्ट्रिय सँगै अन्तर्राष्ट्रिय गन्तव्य बन्न सफल भएको बताए।

अझै बर्दियालाई विश्वमा ब्राण्डिङ्ग गर्न प्रदेश सरकारले पहल लिने उनले बताए । बर्दियालाई धार्मिक, सांस्कृतिक दृष्टिकोणले समेत स्थापित गर्न सकिने मुख्यमन्त्रीको भनाई छ ।

बर्दियाको ठाकुर बाबा मन्दिरको अवलोकन गर्दै आचार्यले यहाँको पर्यटन क्षेत्रलाई थप उचाइमा पुर्‍याउन सरकारले बनाउने पर्यटन सर्किटमा जोडने बताए ।