भिरबाट लडेर कार्यालय सहयोगिको ढाड भाँचिएपछि उपचारका लागि विद्यालयका प्रधानाध्यापकको नेतृत्वमा चन्दा संकलन थालिएको छ । धर्मभक्त माध्यमिक विद्यालय प्यूठान नगरपालिका ८ मानागाउँमा कार्यरत कार्यालय सहयोगि मधु कुमाल भिरबाट लडेर गम्भिर घाईते भएका हुन् ।

गत शनिवार घाँस काट्न गएका ४४ वर्षिय उनि भिरबाट लडेका थिए । ढाड भाँचिएर नसा च्यापिएका उनकाे भैरहवा मेडिकल कलेजमा उपचार भईरहको छ । आर्थिक अवस्था कमजोर रहेका कुमालको  उपचारका लागि ७ लाखभन्दा बढि रकम लाग्ने स्वास्थ्यकर्मीले बताएको विद्यालयकी प्रधानाध्यापक बसन्ता गिरीले बताईन ।

आर्थिक अवस्था कमजोर भएर उपचारमा संकट आएपछि चन्दा संकलन थालिएको विद्यालयकी प्रधानाध्यापक गिरीले बताइन् । ‘घरका सबै सदस्य विरामि हुनुहुन्छ’, गिरीले भनिन्–‘आर्थिक अवस्था समेत नाजुक छ ।’ १ लाख १२ हजार स्वास्थ्य विमामार्फत उपचारमा सहायता भएको छ।

मंगलवार उनको अपरेशन सफल भएको छ । ढाड भाँचिएको हुनाले लामो समय उपचार गर्नुपर्ने तर, आर्थिक अवस्था कमजोर रहेको प्रधानाध्यापक गिरीले बताईन । ४ जना सन्तान रहेका उनका बुवाआमा पनि विरामी छन् । घरमा कमाउने ब्यक्ति नै दुर्घटनामा परेर ढाड भाँचिएपछि परिवारमा संकट आएको हो ।