नेपाल रेडक्रस सोसाइटी धरमपानी उपशाखाको २१ औ साधारण सभा मल्लरानी ३ धरमपानीमा सम्पन्न भएको छ ।

आइतबार सम्पन्न साधारण सभालाई सम्बोधन गर्दै प्रमुख अतिथि एवं वडाध्यक्ष नोमराज पौडेलले रेडक्रसले सेवा भाव र सामाजिक क्षेत्रमा महत्त्वपूर्ण काम गर्दै आएको बताए । उपशाखाका सभापति मोती पौडेलको अध्यक्षतामा भएको  कार्यक्रममा बोल्दै विशेष अतिथि एवं नेपाल रेडक्रस सोसाइटी जिल्ला शाखा प्यूठानका मन्त्री दामोदर शर्माले उपशाखालाई व्यवस्थित रूपमा सञ्चालन गरी सामाजिक कार्यमा क्रियाशील रहन आग्रह गरेका छन् ।

साधारण सभाको अवसरमा वडाध्यक्ष पौडेलले आफ्ना बुवा–आमाको नाममा स्थापना गरेको केशवराज–बेलाकुमारी अक्षयकोषबाट आएको ब्याजले ४ जना विपन्न विद्यार्थी हरूलाई शैक्षिक सामाग्री वितरण गरेका छन् ।

वडाध्यक्ष निर्वाचित भएपछि पौडेलले पहिलो महिनाको पारिश्रमिकबाट आफ्ना बुबा आमाको  नाममा अक्षयकोष स्थापना गरेका थिए । सोही रकमको ब्याजबाट विद्यार्थीहरूलाई सामाग्री वितरण गरेको उपशाखाका सचिव गोविन्द अधिकारीले बताए ।