‘उद्यमशील संस्कृती राष्ट्रको समृद्धि’ भन्ने नाराका साथ घरेलु तथा साना उद्योग कार्यालय प्यूठानले ३० दिने एडभान्स लेबलको. व्यूटिसियन तालिम सञ्चालन गरेको छ ।

आ.व. वर्ष २०८०/०८१ को स्वीकृत कार्यक्रमबाट आधारभूत तालिम लिएका १५ जना महिलालाई एडभान्स तालिम दिइएको हो । तालिम पश्चात् व्यवसायमा इच्छुक महिलाका लागि सिप वृद्धिका एडभान्स व्यूटिसियन तालिम दिइएको घरेलु तथा साना उद्योग कार्यालय प्यूठानका प्रमुख मनि गुरुङले जानकारी दिए । तालिम सम्पन्न भएपछि सिकेका कुरालाई व्यवसायीक रूपमा जोड्दै व्यवसाय सञ्चालन  गर्ने तालिमका सहभागीले बताएका छन् ।

३  लाख ५० हजारको बजेटमा गत ११ गतेदेखि सञ्चालन गरिएको तालिम ३० दिन  सञ्चालन हुनेछ । तालिममा सहभागीहरूलाई हाल ड्यामेज भएको कपाल जोगाउने , कपाल स्टेट , कपाल हाइलाइट , कपालको केमिकल लगायत तालिम दिईने प्रशिक्षक विन्जु श्रेष्ठले जानकारी दिइन ।