माण्डवी गाउँपालिकाको आयोजनामा ‘जनयुद्ध र जनआन्दोलन’ विषयक अन्तरक्रिया कार्यक्रम बिहीबार सम्पन्न भएको छ । गाउँपालिका अध्यक्ष नमराज अधिकारीको अध्यक्षतामा भएको कार्यक्रमको प्रमुख अतिथि लुम्बिनी प्रदेशका पूर्व मुख्यमन्त्री जोख बहादुर महरा रहेका थिए ।

अन्तरक्रिया कार्यक्रममा बोल्दै महराले ‘जनयुद्धको जगमा जनआन्दोलन भएको र त्यसको परिणाम स्वरूप संविधानसभा, गणतन्त्र र सङ्घीय व्यवस्था आएको’ दाबी गरे । अहिलेको परिवर्तन माओवादी आन्दोलनको परिणाम भएको उनको जिकिर छ । 

कार्यक्रममा संविधान सभा सदस्य नारायण प्रसाद अधिकारीले तत्कालीन राज्यले गरेको दमनकै कारण जनता युद्धमा लागेको बताए । माण्डवी गाउँपालिका ४ नं वडा अध्यक्ष डिल बहादुर घर्तीले स्वागत मन्तव्य राखेको कार्यक्रममा माओवादी नेताहरू, जनप्रतिनिधि तथा पूर्व जनप्रतिनिधि, कर्मचारी र स्थानीयको उपस्थिति रहेको थियो । कार्यक्रमको सञ्चालन गाउँपालिकाका प्रशासन शाखा प्रमुख बलराम पौडेलले गर्नु भएको थियो ।