प्रतिनिधि सभा सदस्य सूर्य बहादुर थापा क्षेत्रीले कुसुण्डा जातिको भाषा संरक्षणका लागि एकीकृत बस्ती विकास गर्न सरकारको ध्यानाकर्षण गराएका छन्।

बुधवारको प्रतिनिधि सभा बैठकमा बोल्दै सांसद थापाले लोपोन्मुख अवस्थामा रहेको उक्त जातिको भाषा संरक्षणका लागि एकीकृत बस्ती विकास गरिनुपर्ने बताए।

राज्यको कुनै निकायमा प्रतिनिधित्व नरहेको, आफ्नो घरको लालपूर्जा समेत नरहेको उक्त जातिको भाषा बोल्नसक्ने अहिले १ जनामात्र रहेको थापाले बताए ।

देशभर २ सय ३५ जना जनसंख्या भनिएकोमा १ सय ७० मात्र भेटिएको र त्यसमध्य ५१ जना प्यूठानमा बस्ने गरेको बताउँदै थापाले कुसुण्डा जाति र भाषा संरक्षणका लागि एकीकृत बस्ती विकासका लागि ध्यानाकर्षण गराएका हुन्।