प्रतिनिधि सभा सदस्य सूर्य बहादुर थापा क्षेत्रीले सूचनाको हक सम्बन्धि अधिकार सूचना अधिकारीको तजविजीले प्रदान गर्ने अधिकार नभएको बताएका छन्।

शुक्रबार खलङ्गामा राष्ट्रिय सूचना आयोगको आयोजनामा भएको सूचनाको हक सम्बन्धि जिल्लास्तरिय अन्तरक्रिया कार्यक्रममा प्रमुख अतिथिको रुपमा बोल्दै सांसद थापाले सूचनाको हकको कार्यन्वयन सूचना अधिकारीको तजविजमा नभई कानुन बमोजिम गरिनु अनिवार्य रहेको बताए।

फरक प्रसङ्गमा सांसद थापाले पैसा दिएर आफ्नाविरुद्घ गलत प्रचार गर्ने पात्र पठाईएको बताए। बाग्दुला-मरन्ठाना सडकखण्डमा आफ्नो पहलमा १ करोड छुट्याएर काम भईरहेको विषयलाई हेक्का नराखि गलत प्रचार गरिएको थापाको भनाई छ। गलत प्रचार गरेर अफवाह फैलाउनेलाई नियन्त्रणमा लिएर कारवाहि गरिनुपर्ने बताए। अरुको नुनको सोझो गर्न आएको व्यक्तिले विषयको पुष्टि-पनर्पुष्टी गर्नुपर्ने न्युनतम दायित्व पूरा नगरेको बताए।

प्रमुख जिल्ला अधिकारी रमा आचार्यले सूचना अधिकारी र निजामती कर्मचारीलाई सूचनाको हक सम्बन्धि तालिम आवस्यक रहेको बताईन। भएका डाटाहरु बाझिने र एकरुपता नहुने समस्या रहेको उनको भनाई छ।

कार्यक्रममा सरकारी कार्यालयका प्रमुखहरु, सूचना अधिकारी, सञ्चारकर्मी र सरोकारवालाको उपस्थिती रहेको थियो।