नेपाल जुनियर तथा युवा रेडक्रस सर्कलकाे ६० औं स्थापना दिवसकाे अवसरमा सरसफाई र जनचेतना मुलक कार्यक्रम गरिएको छ।

युवा रेडक्रस माण्डवी मावि नयाँगाउँले बिहिबार जस्पुर बजार चाेक, देविस्थान बजार क्षेत्र, देवि भगवती मन्दिर र त्रिवेणीधाम मन्दिर परिसरकाे सरसफाइ एवं सचेतनामुलक कार्यक्रम गरि मनाएको हो ।

माण्डवी युवा रेडक्रस सर्कलकि अध्यक्ष सावित्रा थापाकाे अध्यक्षता भएको उक्त कार्यक्रममा प्रमुख अतिथी नेपाल रेडक्रस साेसाईटी माण्डवी उपशाखा सचिव रामचन्द्र पाैडेल , विशिष्ट अतिथी त्रिवेणी मन्दिर व्यवस्थापन समिति अध्यक्ष भुपेन्द्र अधिकारी, युरेस माण्डवी माविका शिक्षक सहनायक केसरा कार्की सहित ३० जना विद्यार्थीकाे उपस्थिति रहेकाे थियाे । कार्यक्रमकाे सञ्चालन माण्डवी माविका शिक्षक नायक पवन पाेख्रेलले गरेका थिए।

युरेस माण्डवी २०६१ सालमा स्थापना भएको सर्कल हाे। नेपाल रेडक्रस सर्कल प्यूठानको ३९ औ साधारणसभाबाट उत्कृष्ठ घोसित माण्डवी सर्कलले विभिन्न कार्यक्रममा सक्रियता देखाउदै आएको छ। यहि वर्ष जिल्ला स्तरिय प्रधानाध्यापक गोष्ठी समेत आयोजना गरेको थियो।