२०८२ जेठ १सुरक्षित वैदेशिक रोजगारी सम्बन्धी पत्रकारहरूसँग अन्तरक्रिया तथा अभिमुखीकरण कार्यक्रम जिल्ला समन्वय समितिको कार्यालय खलङ्गामा सम्पन्न भएको छ । मल्लरानी गाउँपालिकाको आयोजनामा भएको कार्यक्रममा वैदेशिक रोजगारीको अवस्था, जोखिमका क्षेत्र र अपनाउनुपर्ने सावधानी बारे छलफल भएको थियो ।
सुरक्षित आप्रवासन(सामी परियोजना) अन्तरगत आयोजित कार्यक्रमको सहजीकरण परियोजना प्रमुख विष्णु अर्यालले गरेका थिए । वैदेशिक रोजगारीमा जानु पूर्व सिक्नुपर्ने सिप,लिनुपर्ने जानकारी, अपनाउनुपर्ने सावधानी र सामाजिक सुरक्षा, बिमा, श्रमस्विकृती लगायतका बारेमा जानकारी नहुँदा वैदेशिक रोजगारीको क्रममा धेरै नेपाली ठगिएको अर्यालले बताए ।
मल्लरानी गाउँपालिकाले वैदेशिक रोजगारीमा जाने नागरिकको सहजताका लागि जिल्ला प्रशासन कार्यालय परिसरमा आप्रवासी श्रोत केन्द्र सञ्चालन गरेको गाउँपालिका अध्यक्ष कृष्ण खड्काले जानकारी दिए । मल्लरानी गाउँपालिका अन्तरगत सञ्चालित भए पनि उक्त केन्द्रबाट जिल्लाभरका सम्भावित कामदारले परामर्श लिने गरेका छन् । अहिलेसम्म १ हजार ४ सय ९६ जनाले श्रोत केन्द्रबाट परामर्श लिएका छन् । श्रोत केन्द्र जिल्ला प्रशासन कार्यालयमा रहेको छ ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
