News Portal

रेडियो सुन्नुहोस्

कविता : कमरेड, अब गाउँ नफर्कनुहाेला

२०७७ बैशाख ३,
२२४९ पटक

 

-घनश्याम अस्तित्व

कमरेड,
अँझै चुनाव आएकाे छैन
बिर्सेर पनि नफर्कनुहाेला – हाम्राे गाउँतिर ।

चुनाव अघि
तपाई आउँदा जस्ताे छैन बाटाे
उसै सालकाे बर्षातले बगायाे कालाेपत्रे
काँडा बढी माटाे कम छ,
भाेककाे क्यान्सर र गरिवीकाे पहाडले थिँचिएर
यही समय थला परेकाे छ रामे माइलाे,
राजधानी झरेपछि, टिभिमा हरबखत देख्छु
दाेब्बर बढेकाे छ – तपाईकाे ताैल
कसले बाेकेर घुमाउँला तपाईलाई – हाम्राे गाउँ
कमरेड, अँझै चुनाव आएकाे छैन
बिर्सेर पनि नफर्कनुहाेला – हाम्राे गाउँतिर ।

कमरेड,
बजारमा के जाति ‘लकडाउन’ छ रे
नुन-तेल, बेसार र चामलले
गाउँ अाउँने बाटाे नै बिर्सिए
कसरी टक्र्याउँला हजुरलाई – लाेकल कुखुरा र बियर
कमरेड, साबुन पनि आएकाे छैन गाउँमा
धुलाे-माटाे र गाेबरसंग खेल्ने हाम्रा हातहरू
‘काेराेना’ भन्दा पनि बढी खतरनाक छन्
उभिएर नजिकै कसरी भनुला ‘लालसलाम’
र, कसरी मिलाउला जाेडजाेडले हात
कमरेड, अँझै चुनाव आएकाे छैन
बिर्सेर पनि नफर्कनुहाेला – हाम्राे गाउँतिर ।

कमरेड,
चुनावताका भन्नुहुन्थ्याे
गाउँगाउँमा सिंहदरबार आउछन्
म त यहाँ हरबखत मैमत्त भएर हिँडिरहेका
सिंह र साँढेहरू मात्रै देख्छु
इन्टरनेटकै गति नाघेर फैलेथ्याे
तपाईकाे ‘फ्रि वाइफाइ’काे भाषण
यदि त्यस्ताे हुन्थ्याे हाे त
याे संकटकाे समयमा – म कसरी हेर्दाे हुँ
साउदी र कतारमा
भाेकले तड्पिरहेका दाजु र भाईकाे अनुहार
कमरेड, अँझै चुनाव आएकाे छैन
बिर्सेर पनि नफर्कनुहाेला – हाम्राे गाउँतिर ।

कमरेड, तपाईं अाउनु पनि हामीलाई – अाँधी अाए जस्ताे हुन्छ
कमरेड, तपाईं आउनु पनि हामीलाई – अर्काे महामारी आए जस्ताे हुन्छ
कमरेड, अँझै चुनाव आएकाे छैन
बिर्सेर पनि नफर्कनुहाेला – हाम्राे गाउँतिर ।

कवि ‘अस्तित्व’ उदाहरण समूह, नेपालकाे अभियन्ता हुनुहुन्छ ।

हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।

– www.jhulenipost.com (दर्ता नं. २७८२ /२०७८/ ०७९, सूचीकृत नं. २८८४/ २०७८/ ०७९)

– रेडियो झुलेनी १०४.७ मेगाहर्ज (इजाजत पत्र नं. ०१/ २०७८/ ०७९, लाइसेन्स नं. ४२/ २०७८/ ०७९)

– झुलेनी पोष्ट साप्ताहिक (मङ्गलवार) (दर्ता नं. ११ (जिल्ला प्रशासन कार्यालय प्युठान), प्रेस काउन्सिल नेपालबाट ख वर्गमा वर्गीकृत)

प्रतिकृया दिनुहोस्

सामुदायिकतर्फ सर्वोदय माविको नतिजा जिल्लामै उत्कृष्ट

शैक्षिक वर्ष २०८१ को एसइई नतिजामा सर्बोदय माध्यमिक विद्यालयको नतिजा प्यूठानमै उत्कृष्ट भएको छ ।...

एसइईमा सुध्रियो प्यूठानको नतिजा, भानुभक्तका प्रज्वल जिल्ला प्रथम

एसइई परीक्षा २०८१ को नतिजा सार्वजनिक भएको छ। अघिल्लो वर्षको तुलनामा यो वर्षको नतिजामा सुधार...

निर्माण व्यवसायि बालाजु श्रेष्ठ सम्मानित

ऐरावती गाउँपालिकाले निर्माण व्यवसायि बालाजु श्रेष्ठलाई सम्मान गरेको छ । निर्माण सम्पन्न गर्नुपर्ने मिति अगावै...

विद्युत सेवा नियमित गर्न युवा संघको ध्यानाकर्षण

राष्ट्रिय युवा संघ नेपालले विद्युत सेवा नियमित गर्न नेपाल विद्युत प्राधिकरणलाई ध्यानाकर्षण गराएको छ ।...

सुसुप्त क्षयरोग सम्वन्धी अन्तरक्रिया विजुवारमा सम्पन्न

‘क्षयरोग रोकौ क्षयरोग अन्त्य गरौ’ भन्ने मुल नाराका साथ सुसुप्त क्षयरोगको संक्रमणको उपचार (थ्रि.एच.पि) सम्वन्धी...