६ वैशाख श्रीमतीले दाउराको चिरपटले टाउकोमा प्रहार गर्दा श्रीमानको मृत्यु भएको छ।
प्यूठानको माण्डवी गाउँपालिका वडा नं २ मर्काबाङ निवासी ४० बर्षिय गुमान सिंह अधिकारीको श्रीमती ३५ बर्षिय निशा अधिकारीले हत्या गरेकी हुन्।
माइति घर दाङको बंगलाचुली गाउँपालिका वडा नं ५ साकिनेमा बस्दै आएकी श्रीमतीलाई घर लिन गएको बेला सामान्य घरायसी विवाद भएको बेला श्रीमतीले दाउरााको चिरपटले घाउकोमा प्रहार गरेको बताईएको छ।
श्रीमतीको दाउरा प्रहारबाट गम्भिर घाइते भएका अधिकारीको गएराति कोहलपुर मेडिकल कलेज बाँकेमा उपचारको क्रममा मृत्यु भएको जिल्ला प्रहरी कार्यालय दाङले जनाएको छ।
श्रीमती र सुसुराले मिलेर हत्या गरेको मृतक गुमान सिंह अधिकारीका भाई हेमराज अधिकारीले आरोप लगाएका छन्।
श्रीमतीले हानेको स्वीकारेको र ससुराले हानेको वा अन्य ब्यक्तिको संलग्न भएको वा नभएको भन्ने बिषयमा थप अनुसन्धान सुरु भएको प्रहरीले जनाएको छ। पोष्टमार्टम कार्य बाँकी रहेको र पोष्टमार्टम पछि शव आफन्तको जिम्मा लगाउने जिल्ला प्रहरी कार्यालय दाङका प्रहरी नायव उपरिक्षक सुमित खड्काले जानकारी दिनुभयो।
