पछिल्लो समयमा विश्वभरी फैलिएको कोरोना भाइरसले महामारीको रुपमा रुप लिइ रहेको बेला प्युठानमा पनि कोरोना संक्रमितको संख्या २४ पुगेको छ।

संक्रमितहरु मध्ये सरुमारानी गाउपालिकामा १ जना, माण्डवी गाउपालिकामा १० जना, स्वर्गद्वारी नगरपालिकामा १ जना, प्युठान नगरपालिकामा १० जना र ऐरावती गाउपालिकामा २ जना रहेका छन। संक्रमितहरुलाई स्थानीय तहहरुमा बनाइएको आइसोलेसन केन्द्रमा स्वास्थ्यकर्मीहरुको निगरानीमा राखिएको छ। जसमध्ये प्युठान नगरपालिकामा १० जना, माण्डवी गाउपालिकामा १० जना, ऐरावती गाउपालिकामा २ जना र स्वर्गद्वारी नगरपालिकामा १ जना गरि जिल्लामा जम्मा २३ जना उपचाररत अवस्थामा रहेका छन भने १जना दाङको बेलझुण्डी कोरोना विशेष अस्पतालमा उपचाररत अवस्थामा छन। हालसम्म संक्रमितहरुको अवस्था सामान्य रहेकोे स्वास्थ्य कार्यालय प्युठानका प्रमुख विशाल सुबेदीले जानकारी दिनुभयो।

जिल्ला बाहिरबाट भित्रीएकाहरुलाई निश्चित समयसम्म क्वारेन्टाइन राखी घर पठाउने गरिएको छ। त्यसका लागी जिल्लाका विभिन्न स्थानमा गरी २ सय २७ क्वारेन्टाइन निर्माण गरिएको छ। हाल उक्त क्वारेन्टाइनमा ४ हजार ४ सय १४ जना ब्यक्तीहरु रहेका छन।

अहिलेसम्म प्युठानमा ५ हजार ६ सय ५२ जनाको RDT परीक्षण गरिएको सुबेदीले जानकारी दिनु भयो। उहाँका अनुसार RT/PCR परीक्षणका लागि हालसम्म स्वाब संकलन गरि ९ सय २५ जनाको पठाएकोमा ३ सय ३६ जनामा RDT पोजेटिभ देखिएको थियो भने २४ जनामा कोरोना संक्रमण पुष्टि भएको छ। PCR परीक्षणको लागि पठाइएका मध्ये ३ सय ६२ जनाको नतिजा आउन बाकी रहेको स्वास्थ्य कार्यालय प्युठानले जनाएको छ।