गाँउपालिकाले चिकित्सक भर्ना गरेसंगै गौमुखी गाँउपालीकाको लिवासेस्थित पुजा स्वास्थ्यचौकीमा सेवाग्राही दोव्वर वढी थपिएका छन्। पहिले चिकित्सक आउनुअगाडि दैनिक १०-१२ जना विरामीले सेवा लिने गरेकोमा चिकित्सक बस्न थालेपछि ३०-४० जनाको सख्यामा विरामी आउन थालेको हेल्थ पोष्टले जनाएको छ ।

दुर्गम गाँउका जनताको पहुँचमा चिकित्सक सेवा पु¥याउन गौमुखी गाउँपालिकाले चिकित्सक भर्ना गरेको छ । कोरोना भाइरस, झाडा पखाला, ज्वरो तथा टाइफाईटका बिरामीलाई मध्यनजर गर्दै असार १ गते देखी झिमरुक गाउँपालिका ६ घर भएका डा सुवास जीसीलाई भर्नागरेर पालिकाले हेल्थपोष्टबाट चिकित्सकीय सेवा दिँदै आएको छ ।
१७ महिना बिर अस्पताल काठमाडौंमा सेवा गरेका जीसी केहि वर्ष जिल्लाकै लाइफ केयर हस्पिटल प्रालि बाग्दुलामा काम गरेका थिए । चिनको डाली बिश्व विद्यालयमा एमडी अध्ययन गर्दैगर्दा कोरोनाका कारण नेपाल फर्किएका जीसीलाई पालिकाले सेवामा लगाएको पालिका अध्यक्ष विष्णुकुमार गिरीले बताए । दुर्गम गाउँका गरिबले सहज तरिकाले स्वास्थ्य सेवा पाउन भन्ने उदेश्यले चिकित्सक भर्ना गरेको गिरीको भनाइछ ।

गौंमुखी आईसकेपछि सामान्य चिरफार,ओपिडि,माइनर सल्यक्रिया,इमर्जेन्सी स्वास्थ्य सेवा दिँदै आएको चिकित्सक जीसीले बताए । बिकट क्षेत्रबाट सामान्य बिरामी समेत बिजुवार, बुटवल जान नपर्ने भएपछि स्थानीयले राहत पाएका छन् । जीसीले गौमुखीको पुजा हेल्थ पोस्टमा बसेर सेवा दिँदै आएका छन् । चिकित्सक आएसँगै पुजा हेल्थ पोष्टमा १ जना चिकित्सक,  अनमी २ जना र १ जना अहेबले सेवा दिँदै आएका छन् । हेन्थ पोष्टबाट निःशुल्क पाउने ३५ प्रकारका औषधि बाहेक शुल्क लिएर विरामीलाई थप औषधि दिने व्यबस्था समेत मिलाइएको पालिका अध्यक्ष गिरीले बताए ।