News Portal

रेडियो सुन्नुहोस्

ऐरावतीको बिवाद चर्किदै, खानेपानीको विवादको नाममा शक्ति प्रर्दशन , विधि र प्रक्रियामा गाउँसभा गरिएको हो ः अध्यक्ष शाह

सिखबर संवाददाता
१०८३ पटक

प्युठान, गाउँपालिकाले गरेकाे बिशेष गाउँसभाको बिषयलाई लिएर विवादमा फसेको ऐरावती गाउँपालिकाको विवादले उग्र रुप लिन थालेको छ।

गाउँपालिका अध्यक्ष नविल बिक्रम शाहले बहुमतको नाममा एकलौटी निर्णय गरेको भन्दै गाउँपालिका उपाध्यक्ष बुद्ध बहादुर बस्नेत सहित १३ जना गाउँसभाका सदस्यहरुको हस्ताक्षरमा बिज्ञप्ती निकालेपछि विवाद चर्किएको छ। नेपाली कांग्रेस निकट जनप्रतिनिधि र राष्ट्रिय जनमोर्चा निकट जनप्रतिनिधिहरु मिलेर बहुमतको आधारमा स्थानिय सरकार संचालन ऐन विपरित नेकपा निकट जनप्रतिनिधिहरुलाई वेवास्ता गरेको भन्दै उपाध्यक्ष बस्नेत सहितका नेकपा निकट जनप्रतिनिधिले सामुहिक हस्ताक्षर गरि विज्ञप्ती निकालेका थिए।

तर आफुहरुले विधि र प्रक्रिया अनुसार नै गाउँसभा सम्पन्न गरेको भन्दै उपाध्यक्ष बस्नेतले आफ्नो चरित्र हत्या गरेकोमा गाउँपालिका अध्यक्ष नविल विक्रम शाहले आपत्ति जनाउनु भएको छ। आइतवार पत्रकार सम्मेलन गर्दै अध्यक्ष शाहले स्थानिय सरकार संचालन ऐन बमोजिम नै विशेष गाउँसभा सम्पन्न गरेको बताउनुभयो। उहाँले ऐरावती गाउँपालिकाका जनप्रतिनिधिहरु वीच देखिएको असमझदारी प्रस्तावहरुलाई निणयार्थ अगाडी बढाउनुपर्ने परिस्थिति अनुरुप बिशेष गाउँसभामा जानुपर्ने भएको बताउनुभयो।
गाउँकार्यपालिकामा निर्णय हुन नसकेका महत्वपुर्ण प्रस्तावहरुलाई देखाएर अनिर्णयको बन्दी गराउने षड्यन्त्र भैरहेको अवस्थामा गाउँसभाका ३४ जना सदस्यहरु मध्ये बहुमत सदस्यहरुले लिखित रुपमा स्पष्ट खुलाई गाउँसभाका अध्यक्ष सामु स्थानिय सरकार संचालन ऐनको परिच्छेद ४ को सभाको बैठक र कार्यप्रणालीको दफा १९ को उपदफा ३ बमोजिम विशेष गाउँसभा माग गरे अनुसार बिशेष गाउँसभाको आयोजना गरिएको अध्यक्ष शाहको भनाई थियो।
शाहले आयोजना गरेको पत्रकार सम्मेलनमा उपाध्यक्ष बस्नेतलाई बोलाए पनि उपस्थित नभई खानेपानी आयोजनाको उपभोक्ता समिति गठन गर्न गएको अध्यक्ष शाहले बताउनुभयो। पत्रकार सम्मेलन जस्तो महत्वपुर्ण कार्यक्रममा उपस्थित नभएर उपभोक्ता समिति गठन गर्न जानुभएको छ शाहले भन्नुभयो–“ तपाई पत्रकार साथीहरुले बुझ्नुस कुन कुरा महत्वपुर्ण हो र आज उहाँले जवाफ दिनुपर्दैन।” अध्यक्ष शाहले आफुले कांग्रेसको मतले मात्र नजितेको भन्दै सबै नागरिकको अध्यक्ष भएकोले गलत काम कदापी गर्न नदिने बताउनुभयो। बरू कांग्रेस छाड्न तयार रहेको बताउँदै शाहले भन्नुभयो–“विधि र प्रक्रिया छल्न कदापी कसैलाइ दिन्न।” उहाँले आफ्नो उदारपनको फाइदा उठाउँदै उपाध्यक्ष बस्नेतले विवाद सिर्जना गरेको बताउनुभयो।
उपाध्यक्ष बस्नेतले तिलकेनी चुत्रेनी खानेपानी आयोजनाको समस्या समाधानको नाममा राजनिति गरेको अाराेप लगाउँदै त्यहाँका वरीपरिका स्थानियहरुले गाउँपालिका घेराउ गरि सोमबार प्रर्दशन गरेका छन्। उपाध्यक्ष बस्नेतकाे बिराेधमा प्रर्दशन गरेकाे नेकपाकाे बुझाई छ। नेकपा ऐरावति गाउँपालिकाका अध्यक्ष समेत रहेका गाउँपालिका उपाध्यक्ष बस्नेतले खानेपानी योजनाको सर्वसहमतिबाट विबाद समाधान आफुहरुले गरेको भएपनि गाउँका स्थानियहरुलाई उक्साएर गाउँपालिकामा प्रर्दशन गर्न लगाएको बताउनुभएको छ।उहाँले उक्साएर प्रर्दशन गरे आफुहरुले पनि हजारको संख्यामा प्रर्दशन गर्न सक्ने भन्दै सचेत रहन आग्रह समेत गर्नुभयाे।  राजनितिक खिचातानीका कारण चुलिएको पालिकाकाे विवाद अदालत सम्म पुगेको छ।

 

प्रतिकृया दिनुहोस्

“गणतन्त्र गौरव” बाट पूर्व राष्ट्रपति भण्डारी सम्मानित

नेकपा (एमाले) ले पूर्वराष्ट्रपति विद्यादेवी भण्डारीलाई ‘गणतन्त्र गौरव’बाट सम्मान गरेको छ। नेपाल कम्युनिस्ट पार्टी स्थापनाको...

आगलागी सम्बन्धी कृतिम अभ्यास कार्यक्रम बिजयनगरमा सम्पन्न

“समुदायको अगुवाईमा विपद जोखिम न्यूनीकरण परियोजना” अन्तर्गत आगलागी सम्बन्धी कृतिम अभ्यास कार्यक्रम बिजयनगरमा सम्पन्न भएको...

आजदेखि नयाँ शैक्षिक सत्रको भर्ना अभियान सुरु

नयाँ शैक्षिक सत्र २०८१ को विद्यालय भर्ना अभियान आजदेखि सुरु भएको छ । ‘सबै बालबालिकाको...

२०८२ मा उज्यालो प्यूठान घोषणा हुने

२०८२ सालसम्म प्यूठान जिल्ला पूर्ण विद्युतिकरण हुने नेपाल विद्युत प्राधिकरण वितरण केन्द्र प्यूठानले जनाएको छ...

मल्लरानीमा दोस्रो (फूडफेस्टिवल) खाना महोत्सव सुरु

मल्लरानीमा आजदेखि खाना महोत्सव सुरु भएको छ । नयाँ बर्षमा मल्लरानी जाऔं, प्राकृतिक रमणीय दृश्यवलोकनका...