मातृ तथा शिसु मृत्युदर घटाउने र पोषण सुधार गरी कुपोषण अन्त्य गर्ने कार्यक्रमको लक्ष्य छ।

प्यूठान नगरपालीकाले सुत्केरीसंग नगरपालीका कार्यक्रम कार्यन्वयनको सुरुवात गरेको छ। नगर क्षेत्रभित्रका सुत्केरी महिलाहरु र नवजात शिसुहरुको स्वास्थ्य सुरक्षा, एवं पोषण सुधारको निम्ति उक्त कार्यक्रमको सुरुवात गरेको हो। आज प्यूठान नगरपालीका वर्डा नं ३ विजयनगरमा रहेको सापडाडा स्वास्थ्यचौकीवाट उक्त कार्यक्रमको उद्घाटन गरिएको छ।

“सुत्केरी महिला, नवजात शिसु र उनिहरुका परिवारमा सुत्केरीको स्याहार, खानपान र सुत्केरी तथा नवजात शिसुको हेरचाह, स्वास्थ्य तथा सरसफाई र पोषणमा सकारात्मक परिवर्तन ल्याउनका लागी नगरपालीकाले यो कार्यक्रम सुरुवात गरेको हो।” प्यूठान नगरपालीकाका मेयर अर्जुनकुमार कक्षपतीले भन्नुभयो -“यो कार्यक्रमले स्वास्थ्य संस्थामा सुत्केरी हुने सुनिस्चितता कायम गर्नुका साथै आमा र वच्चाको स्वास्थ्यमा सुधार आउने विश्वास छ।”

नगरपालीकाले शिसु तथा मातृ मृत्युदर घटाउने, पोषणको अवस्थामा सुधार ल्याई कुपोषण अन्त्य गर्ने, साथै जिवनस्तर सुधार गर्न सरसफाईसम्वन्धी सामाग्री साथै लगायत आवश्यक सामाग्रिहरु उपलव्ध गराईएको नगरपालीकाले जनाएको छ। चालु आर्थिक वर्षदेखी सुरु भएको कार्यक्रममा सुत्केरी महिलाका लागी सामाग्रीहरु उपलव्ध गराईन्छ। नुहाउने लुगाधुने सावुन, टुथपेस्ट, ब्रस, हरलेक्स, स्यानेटेरी प्याड, ऐना, काँईयो, नंकट, दशमुलारिष्ट जस्ता १२ प्रकारका सामाग्रीहरु प्रदान गरिन्छ। यो कार्यक्रमका लागी नगरपालीकाले ९ लाख रुपैयाँ वजेट विनियोजन गरेको जनाएको छ।