१५ पुष प्यूठानलुम्विनी प्रदेशको गौरवको आयोजना अन्तरगत दाखाक्वाडी(ठाडो)–वर्जिवाङ–भिंग्री सडकखण्डको मुख्यमन्त्री शंकर पोख्रेलले शीलान्यास गर्नुभएको छ। प्रदेश गौरवको आयोजना रामपुर कपुरकोट सडक जिवराज आश्रित–कृष्णसेन ईच्छुक मार्ग अन्तरगत दाखाक्वाडी(ठाडो)–वर्जिवाङ–भिंग्री सडकखण्डको आज मुख्यमन्त्री पोख्रेलले शीलान्यास गर्नुभएको हो।
भौतिक पुर्वाधारमन्त्री वैजनाथ चौधरी, प्रदेशसभा सदस्य हरि रिजाल नेकपा अध्यक्ष तुल्शिराम शर्मा, प्यूठान नगरपालीकाका नगरप्रमुख अर्जुनकुमार कक्षपती लगायतको उपस्थितीमा उक्त सडकखण्डको उद्घाटन गर्दै मुख्यमन्त्री पोख्रेलले सडक निर्माणले प्यूठान लगायत रोल्पा र अर्घाखाचीका वासिन्दालाई प्रत्यक्ष प्रभाव पार्ने वताउनु भयो। प्रदेश सरकारले सञ्चालन गरेका विभिन्न गौरवका आयोजना र उपलव्धिले सरकारका विरुद्ध दुस्प्रचार गर्न खोजिएको समृद्धी र विकासविरोधी एजेण्डाहरुको पत्तासाफ हुने वताउनु भयो। सरकारले जनताको स्वास्थ्यको निम्ति स्वास्थ्य विमा कार्यक्रम सञ्चालन गरिरहेको, स्वास्थसेवामा प्रत्यक्ष पहुँचका लागी हरेक स्थानिय तहका आधारभुत अस्पत्ताल शीलान्यास गरिएको, घरवारविहिन नागरिकका लागी जनता आवास कार्यक्रम, खरको छानो भएका नागरिकको घर सुरक्षित वनाउनु सुरक्षित नागरिक आवास कार्यक्रम, व्यवसाय गर्न चाहने युवाहरुका लागी व्याजमा अनुदान कार्यक्रम लगायत जनताको जनजिवनसंग प्रत्यक्ष प्रभाव पर्ने कार्यक्रम सञ्चालन गरेको वताउदै उहाँले सरकारका सफलता र लोकप्रिय कदमहरुविरुद्ध पार्टी भित्रैवाट विभिन्न प्रयासहरु भईरहेको वताउनु भयो।
भौतिक पुर्वाधारमन्त्री वैजनाथ चौधरीले यो आयोजना निर्माणले प्रदेशवासी जनताको जनजिवनमा प्रत्यक्ष प्रभाव पार्ने वताउनु भयो। साथै उहाँले आयोजना समयमै सम्पन्न गर्न सम्वन्धित पक्षलाई सुझाव दिदै त्यसका लागी सरकारले आवश्यक वातावरणको सुनिस्चितता प्रदान गर्ने वताउनु भयो।
