News Portal

रेडियो सुन्नुहोस्

ओली सरकार गठन भएको तीन बर्ष पूरा

सिखबर संवाददाताफागुन ४
३८७ पटक
फागुन ४

प्रधानमन्त्री केपी शर्मा ओलीले आफ्नो तीन बर्षे कार्यकालमा भएको कामको फेहरिस्त जनतालाई जानकारी गराउनु भएको छ । आफ्नो नेतृत्वमा सरकार गठन भएको तीन बर्ष पूरा भएको अवसरमा आज प्रधानमन्त्री ओलीले कामको बिवरण जनतासमक्ष सार्वजनिक गर्नुभएको हो ।

ओली २०७४ फागुन ३ गते प्रधानमन्त्रीमा नियुक्त भई कार्यभार सम्हाल्नु भएको थियो । आफ्नो कार्यकालको उपलब्धी सार्वजनिक गर्दै प्रधानमन्त्री ओलीले पार्टीका नेताहरुको असहयोगको पोल पनि खोल्नुभएको छ । उहाँले दुई तिहाई बहुमतको अवस्थामा रहेको भएपनि विभिन्न दलको गठबन्धन सरकारले जस्तो नियति आफूले बेहोर्नुपरेको बताउनु भयो । तीनवर्षे कार्यकालका प्रगति विवरण सार्वजनिक गर्दै प्रधानमन्त्री ओलीले पछिल्लो एक वर्षदेखि झण्डै दुईतिहाई सांसदको समर्थन प्राप्त सरकारले विभिन्न दलको गठबन्धन सरकारले जस्तो नियति बेहोर्नुपरेको बताउनु भएको हो ।

‘शुरुदेखि नै सरकार सञ्चालनमा केही अप्ठ्याराहरु त थिए नै । विभिन्न ढंगले काममा व्यवधान खडा गरिएकै थियो । खासगरी पछिल्लो एक वर्षदेखि झण्डै दुईतिहाई सांसदको समर्थन प्राप्त यस सरकारले विभिन्न दलको गठबन्धन सरकारले जस्तो नियति बेहोर्नुपर्यो,’ प्रधानमन्त्री ओलीले भन्नुभयो, ‘एकातिर जनताको उच्च आकांक्षा सम्बोधन गर्नुपर्ने, अर्कोतिर आफ्नै खुट्टामा अल्झिएर अलमलिए मैं सरकारले काम गर्न नपाउने अवस्था सिर्जना भयो ।’

उहाँले ३ वर्षदेखि संवैधानिक आयोगहरु पदाधिकारीविहीन भएको र नियुक्ति, प्रक्रियामै जान नदिएको तथ्य पनि खोल्नुभयो । सरकारी निकायका कतिपय कार्यकारी पदमा अनुपयुक्त पात्र अघि सार्ने वा नियुक्ति नै हुन नदिनेगरी समानान्तर सत्ता सञ्चालनको अभ्यास भएको उहाँको भनाई छ ।
‘सकेसम्म अल्मल्याउने, अल्मल्याउन नसके निहुँ खोजेर कामै गर्न नदिने तहमा आफ्नै दलका साथीहरु उत्रनु भयो । यद्यपि, नेकपाको शीर्ष तहमा रहेका केही नेताहरुको अतृप्त आकाङ्क्षा र कुण्ठाको बाछिटा व्यवस्थापिकामा नपरोस् भन्नेमा म हरदम सतर्क रहेकै हूँ। विगत वर्षदिन देखि ’समयभन्दा अगावै’ निर्वाचनको बाटोमा हिँड्न नपरोस् भनेर अनेकौँ लाञ्छना सहेरै अप्ठ्यारो परिस्थितिलाई अन्यत्र मोड्ने प्रयास गरेको पनि हुँ,’ प्रधानमन्त्री ओलीले भन्नुभयो ।

आफ्नो उपलब्धी राख्ने क्रममा उहाँले पुष्पकमल दाहाल, प्रचण्ड र माधवकुमार नेपाल समुहले गरेको सवै हर्कतको तथ्य पनि खोल्नुभएको छ । ‘गठबन्धन सरकारको अर्को कुनै समूहले झै, आफ्नै पार्टीका अध्यक्ष एवं प्रधानमन्त्री बिरुद्ध अचानक फौजदारी अभियोग वितरण गरी पृथक बाटोबाट सरकारमाथि हमला गर्ने र सके विस्थापन गर्ने बाटोमा हिँड्न तम्सिरहेका नेताहरुलाई सम्झाउने र स्थितिलाई परिवर्तन गर्ने प्रयत्न मैले गत पुस ५ गते दिउसो २ बजेसम्म नै जारी राखें,’ प्रधानमन्त्री ओलीले भन्नुभयो ।

प्रतिकृया दिनुहोस्

हामीस‌ग जोडिनुहोस।

सहिदहरुको सम्झानामा कविता वाचन एवम् रक्तदान कार्यक्रम गरी दिवस मनाइयो

प्यूठानमा सहिद दिवसको अवसरमा कविता वाचन एवम् रक्तदान कार्यक्रम भएको छ । सोमबार ६७ औ...

लामो समय पछि चोरी गर्ने व्यक्ति पक्राउ

पटक पटक चोरिमा संलग्न एक व्यक्तिलाई प्रहरीले पक्राउ गरेको छ । जिल्ला प्रहरी कार्यालय प्यूठानका...

नगर प्रमुख योगीको कानुनी सल्लाहकारमा अधिवक्ता शिवराज पण्डित नियुक्त

प्यूठान नगरपालिका प्रमुख बिष्णु बहादुर योगीको कानुनी सल्लाहकारमा अधिवक्ता शिवराज पण्डित नियूक्त भएका छन् ।...

शहीदका सपना पूरा गर्न हातेमालो गरौं : प्रचण्ड

प्रधानमन्त्री पुष्पकमल दाहाल ‘प्रचण्ड’ ले शहीदको सपना पूरा गर्न सबैले हातेमालो गरेर अगाडि बढ्नुपर्नेमा जोड...

जनताप्रति सरकार उत्तरदायी नभएको राष्ट्रिय जनमोर्चा प्यूठानको गुनासो

राष्ट्रिय जनमोर्चा प्यूठानले सरकार जनताप्रति कहिल्यै उत्तरदायी नभएको गुनासो गरेको छ । आईतबार राष्ट्रिय जनमोर्चा...

हामिस‌ग जोडिनुहोस।

समाचार सुचना र मनोरञ्जनका लागी