प्युठान,जिल्लामा प्रधानमन्त्री रोेजगार कार्यक्र अन्तरगत २८ सय ३७ जनाले कामदारले रोजगार पाएका छन । १५ करोड भन्दा बढी लागतमा जिल्लाको नौ पालिका भित्रका बेरोजगारले रोजगार पाएका हुन । प्रत्यक पालिकाको लगभक ५ सय भन्दा बढी योजनामा काम गरिरहेको पालिकाको तथ्याङ्कले देखाउछ ।
पछिल्लो समय प्रधानमन्त्री रोजगार कार्यक्रम लोकप्रिय देखिए पनि जिल्लाका सवै पलिकाहरुका काम एउटै खालको छ । नेपाल सरकारले देशभर वेरोजगारको सुची संकलन गरि एउटै ज्यालामा सय दिनको रोजगारीको काम दिएपछी खुसी हुदै कामदाररुले काम त गरिरहेका छन तर पलिकाहरुले कुनै भिजन अघि सारेर काम नगरेको हुदा ठगिखाने ठाउँ भएको सरोकरवाल बताउछन । पालिकाहरुको आवाश्यक भिजन नहुदा मोटो रकम पुरानै शैलिमा सकिएको सामाजिक अगुवाहरुको बुझाई छ । जिल्लामा नौवटै स्थानीय तहहरुले आफ्नै आवाश्यता अनुसार काम गरिरहेको देखिएको छ । नौ वटै पलिकाहहरुले गोरेटो बाटो निर्माण, मोटर बाटो मर्मत , पुरानो बाटोको नालि निर्माण,चौपारो निर्माण,विद्यालय निर्माण, पदमार्ग निर्माण,सिचाइकुला निर्माण, खानेपानिक काम, जस्ता सार्वजनिक कामहरु गरेको देखिन्छ ।
कार्यक्रमबाट काम गर्नेका लागि दैनिक ज्याला स्वरुपम ५ सय १७ रुपैंका दरले पाउने नियम छ सोहि अनुसार काम भैरहेको पालिकाहरुले बताएका छन । बेरोजगारीको छनोटमा परेकाहरुले एक सय दिनको रोगगार पाए तर पालिकाहरुको उपल्वधी मुलक योजना नहुदा काम शुन्य जस्तै देखिएको सरोकारवाला बताउछन ।
कार्यक्रमको बजेटमा कुन तहमा कति ज्यामी
मल्लरानी गाउपालिकामा २ सय ८० जना कामदारले ५४ योजनामा काम गरिरहेको पालिका प्रशासकिय अधिकृत वालकृष्ण थापाले बताउनु भयो । पालिकामा सो कार्यक्रमको लागि एक करोड ४४ लाख ७६ हजारको लागतमा सिचाई कुलो निर्माण,बाटो निर्माण नालि निर्माण जस्ता सार्वजनिक काम भैरहेको थापाले बताउनु भयो । त्यस्तै गौमुखी गाउँपालिकाले पनि २ सय ८५ ले काम गरिरहेको पालिकाका रोजगार प्रमुख निरज पाण्डेले बताउनु भयो । १ करोड ४७ लाख ३५ हजारको लागतमा काम भैरहेको पाण्डेको भनाई छ ।
त्यस्तै माण्डवी गाउपालिकामा पनि १ करोड ५२ लाख बरावरको लागतमा २ सय ८० जना कामदारले काम गरिरहेको पालिकाका प्रशासकिय प्रमुख शिशिर रिजालले बताउनु भयो । यसै गरि सरुमारानी गाउँपालिकाले पनि २ सय ३४ कामदारको संख्यामा काम भएको पालिकाका प्रशासकिय प्रमुख चिन्तमणी रेग्मीले बताउनु भयो । १ करोड २० लाख ९७ हजारको लागतमा काम सम्पन्न हुने रेग्मीकोे भनाइ छ । तेस्तै झिमरुकले पनि ३ सय ९७ जनालाई रोजगार दिइ २ करोड ५ लाख२५ हजार लागतमा काम गरिरहेको पालिकाले जनाएको छ ।
त्यस्तै ऐरावती गाउँपालिकाले पनि २सय १७ ज्यामीमा ३२ योजनाका काम गरिरहेको छ । १ करोड १२ लाख १९ हजार लागतमा काम भैरहेको पालिकाले बताएको छ । त्यस्तै स्वर्गद्धारी नगर पालिकामा पनि १९ योजनामा १ सय ९६ जनाले १ करोड ४६ लाख ८३ हजारको लागतमा काम भैरहेको पलिका रोजगार संयोजक रमेश पोख्रेलले बताउनु भयो ।
त्यस्तै नौबहिनी गाउँ पलिकामा पनि प्रधानमन्त्री जगारकायक्रम बाट धमाधम काम भइरहेको पालिकाका रोजगार संयोजक विक्की गैरेले बताउनु भयो । पालिकाका विभिन्न वडामा ४ सय ५२ जना कामदारले काम गरेको गैरेको भनाई छ । २ करोड ३३ लाख ६८ हजार चारसय लागतमा काम सम्पन्न गर्ने योजना रहेको गैरेको भनाई छ । र प्यूठान नगरपालिकामा पनि चालु आर्थिक वर्षमा २९ योजनामा सो कार्यक्रम संचालन गरेको पालिका रोजगार संयोजक माधव गिरिले बताउनु भयो । ४ सय ९६ जनाको संख्यामा २ करोड ५६ लाख ४४ हजार लागतमा काम भएको गिरिको भनाई छ । प्यूठान नगरपलिकामा पनि बाटोको नालि निर्माण,सिचाइकुलो निर्माण,गोरेटो बाटो निर्माण जस्ताकाम भएको गिरिले बताउनु भयो
गुप्फाथान देखी थकाना सम्म मोटरबाटो निर्माण

प्रधान मन्त्री स्वरोजगार कार्यक्रमबाट नगरपालिका वडा न ६ स्थीत गुप्फा थान देखी थाकाना सम्म मोटर बाटो निर्माण कार्य अन्तीम चरणमा छ । करिव ४ किलो मिटर मोटर लम्वाई र ४ मिटर चौडाइमा बाटो अन्तीम चरणमा पुगेको प्युठान नगरपालिका वडा न ६ का वडा अध्यक्ष कमान सिहं पुनले बताउनु भयो ।
आर्थिक वर्ष ०७७।०७८ मा प्रधानमन्धी स्वरोजगार कार्यक्रमबाट १६ लाख २ हजार ७ सयको लागतमा मोटर बाटो सम्पन्न हुन थालेको अध्यक्ष पुन ले जानकारी दिनु भयो । वडाबाट बेरोजगारीको फम भरेकाहरु मध्यबाट ३१ जना छनोट गरि मोटर बाटो निर्माणमा काम लगाइएको पुनले बताउनु भयो । त्यस्तै प्रधानमन्त्री स्वरोजगार कार्यक्रम बाटै लम्छयाङ् हुदै झुलेनी पद मार्ग पनि निर्माण गर्न थालिएको पुनको भनाइ छ । पद मार्गको लागि ४ लाख १३ हजार ६ सय लागतमा काम सम्पन्न गर्ने योजना रहेको पुनले बताउनु भयो । झुलेनी जानको लागि बाटो अफ्ठ्यारो भएको ले आन्तरिक पर्यटकका लागि समस्या भएको हुदा पद मार्गमा योगना पारेको पुनको भनाई छ । पद मार्ग भए पछी र मोटरबाटो सम्पन्न भए पछी स्थानीयहरुका लागि सहज हुने पुनको विश्वास छ ।

झुलेनी मासिकमा प्रकाशित समाचार