प्यूठान अस्पत्तालमा गम्भिर अवस्थाका विरामीहरुको उपचारका लागी एचडियु high dependency units (HDU) उपचारकक्ष निर्माण भएको छ। ५ वेड सहितको उपचार कक्ष निर्माण गरिएको प्यूठान अस्पतालका मेडिकल सुपरिटेण्डेन्ट नविन दर्नालले वताउनु भयो। प्यूठानमा स्वास्थ्य मन्त्रालयवाट ८ महिनाअघी भित्रिएका भेन्टिलेटर(वाइप्याप) मेसिन जोडेर एचडियू तयार पारिएको हो।

सामाजिक सञ्जालमा भेन्टिलेटर मेसिन संचालनमा नआएको भनी प्रचार गरिएको विषयमा प्रष्ट पार्दै अस्पतालका प्रमुख डा दर्नालले हाई फ्लो अक्सिजन आवश्यक पर्ने भएकोले यसअघि सञ्चालन ल्याउन नसकेको जानकारी दिनुभयो।

सरकार र अन्य सहयोगी संस्थाबाट अक्सिजनको सुनिश्चितता भएपछि अस्पतालमा पहिलो पटक यो सेवा सुरु गरेको उहाँले वताउनु भयो।

सरकारले अक्सिजन प्लान्टका लागि एक करोड पचास लाख बजेट बिनियोजन गरेकोले एचडीयू नियमित रुपमा सञ्चालन गर्न सहयोग पुग्ने उहाँको भनाई छ।

गत असोज १ गते स्वास्थ्यमन्त्री भानुभक्त ढकालले प्यूठान नगरपालीकाका मेयर अर्जुनकुमार कक्षपतीलाई भेन्टिलेटर हस्तान्तरण गर्नुभएको थियो।