१५ साउन २०७८ प्यूठानमोबाइल चोरेको आरोपमा ऐरावती गाउँपालिका ५ पकलामा ७ वर्षिय बालक माथि निर्घात रुपमा कुटपिट भएको छ ।
ऐरावती गाउँपालिका वडा नं ५ का नमराज श्रेष्ठले मोवाईल चोरी गरेको आरोपमा ७ वर्षिय बालक प्रवेश पाठकमाथि कुटपिट गरेको हो । मंगलबार आफु बाटोमा हिड्दै गर्दा मोवाईल हराएको र उन माथि चोरीको झुठा आरोप लगाउदै कुटपिट गरेको गाउँपालिकाकी बाल सन्जालकी अध्यक्ष मेनुका रावतले जानकारी दिनुभयो ।
बालकको बाहिरी भागमा चोटपटक नदेखिए पनि भित्री असाय चोट भएको हुन सक्ने भन्दै बरौला स्वास्थय चौकीबाट प्यूठान अस्पताल रिफर गरेको पिडीत बालककी आमा लक्ष्मि पाठकले बताइन । बाल सन्जाल र पिडित परिवारले बरौला प्रहरी चौकीमा पिडकलाइ कारवाहीको माग गर्दै उजुरी दिएका छन् । गाउँ घरको घटना भएको भन्दै घरमै मिलाउन खोजेपनि सामान्य उपचारका लागी सम्पर्क गर्दा श्रेष्ठले चासो नदिएपछि प्रहरीमा उजुरी दिएको आमा लक्ष्मि पाठकले बताइन् ।
उता मोवाइल हराएपछि बालकलाई सोधपुछ गर्दा नभेटाएको र पछि उसैको घरमा भेटिएको श्रेष्ठले बताए । बालकलाई सामान्य रुपमा कुटपिट गरेको श्रेष्ठले स्विकार गरेका छन् ।
