प्यूठानी लोकप्रिय गायक बसन्त सागर भण्डारीले स्वर दिएको ‘ कर गर्दिन मत’ बोलको तीज गीत सार्वजनिक भएको छ। प्यूठान नगरपालिका वर्डा नं ५ निवासी भण्डारीकै शब्द र संगीत रहेको उक्त गीतमा महिला कलाकारको भुमिकामा प्यूठानी गायिका मनिकला पुन मगरले साथ दिएकी छन्।

उक्त तिजगितको भिडियोमा मनोहर भण्डारी,भक्ती परियार,करन थापा मगर, हरविन पुन मगर र लोचन थापा मगरले अभिनय गरेका छन्। सन्तोष सुनामले एरेन्ज गरेको उक्त गीतलाई महेश बिक्रम पाण्डेले मिक्सिङ गर्नुभएको थियो। सुवास नेपालले निर्देशन र अनिल बिस्टले सम्पादन गरेको भिडियोलाई क्यामेरामा विहान रिजाल र गोपाल बटालाले कैद गरेका हुन् ।

विगत लामो समयदेखि लोकदोहोरी क्षेत्रमा सक्रीय रहेका प्युठानका वसन्त र मनिकलाको यो पहिलो तीज गीत हो। यो गीत एक्सपोर्ट नेपालको युट्युव च्यानलबाट बजारमा आएको हो।