News Portal

रेडियो सुन्नुहोस्

संक्रमण बढेसँगै नयाँ म्यूटे‌ड भेरियन्टमा ध्यान दिन विज्ञको सुझाव

बिष्णु पाण्डेय१ भदौ २०७८, काठमाडौं
३८० पटक
१ भदौ २०७८, काठमाडौं

गृह मन्त्रालयले पहिलो र दोस्रो लहरमा सूचिकृत अस्पतालहरुलाई पुनः संक्रमितको उपचार गर्न निर्देशन दिएपछि कोरोना भाइरस (कोभिड–१९) को तेस्रो लहरको सम्भावना बढेको पुष्टि भएको स्वास्थ्यविद्हरुले बताउनुभएको छ ।
अस्पतालमा थपिएका संक्रमितहरुको अवस्था र सरकारले उपचार केन्द्र थप गर्न दिएको निर्देशन अनुसार तेस्रो लहरको पुष्टि भएको उहाँहरुले स्पष्ट पार्नुभएको हो ।
ईपिडिमीयोलोजी तथा सरुवा रोग नियन्त्रण महाशाखाका पूर्व निर्देशक तथा भाईरोलोजिष्ट डा. वासुदेव पाण्डेयले कोरोना संक्रमण दरमा कमी नदेखिनु र कोरोनाको नयाँ म्यूटेसन समुदायमा रहेका कारण पनि संक्रमण बढिरहेको हुनसक्ने बताउनुभएको छ ।
अहिलेको अवस्थामा हप्ता हप्तामा समुदायबाट नमूना जम्मा गरेर भाइरसको नयाँ म्यूटेसन भए÷नभएको पत्ता लगाउनु आवश्यक रहेको उहाँले बताउनुभयो ।
खोपको प्रयोगबाट कोरोना संक्रमण दरलाई घटाउन सकिने भए पनि खोप केन्द्रमा नै भीडभाड रहेको र स्वास्थ्य मापदण्डको पालना नभएको कारणले पनि संक्रमण दरलाई नियन्त्रणमा लिन कठिनाई भएको उहाँको दावी छ ।
खोप लगाइसकेकाले स्वास्थ्य मापदण्डको पालनामा बेवास्ता गर्ने गरेको पाइएकाले पनि संक्रमण दरमा कम नभएको उहाँ बताउनुहुन्छ । यस्तै, जनस्वास्थ्यविद् प्रा.डा. केदार बरालले कोरोना संक्रमणमा कमी नआएको हुँदा नयाँ म्यूटेड भेरियन्ट समुदायमा फैलिएको हुन सक्ने भएकाले सबै तथ्याङ्कलाई मसिनो गरी हेर्नुपर्ने, कोही संक्रमितलाई फरक खालको लक्षण देखिनासाथ उक्त व्यक्तिमा भएको भाइरसको पहिचान गर्नुपर्ने उहाँले औंल्याउनुभयो ।
तर भाइरसको म्यूटेसनको जाँचमा सरकार चुकेको भनाइ राख्दै उहाँले खोपको प्रभावकारिताको विषयमा पनि सरकारले ध्यान दिनु आवश्यक रहेको स्पष्ट पार्नुभयो ।
यस्तै, जनस्वाथ्यविद् डा. बाबुराम मरासिनीले पनि कोरोना भाइरसको नयाँ म्यूटेड भेरियन्टको बारेमा सरकारले ध्यान नदिँदा जोखिम झन् बढ्न सक्ने बताउनुभयो । अहिलेको डेल्टा भेरियन्ट बढी संक्रामक भएकाले यसको नयाँ म्यूटेसनहरु चाँडो चाँडो देखिनसक्ने उहाँको भनाइ छ ।
कोरोना संक्रमण रोकथामको लागि मास्कको प्रयोग र स्वास्थ्य मापदण्डको पालनामा कडाई सँगसँगै भाइरसको म्यूटेसनमा पनि ध्यान दिनु आवश्यक रहेको उहाँ बताउनुहुन्छ ।

 

गाेरखापत्र अन्लाइनबाट

प्रतिकृया दिनुहोस्

हामीस‌ग जोडिनुहोस।

प्यूठानको जेठो विद्यालयको कम्यूटर ल्याव बेहाल !

तस्बिर हेर्दा सबैलाई लाग्छ यो कुनै भग्नावशेष भएको भवन हो । त्यहाँ बर्षौदेखि रेखदेख गर्ने...

विभिन्न कार्यक्रम गरि नौंबहिनीले मनायो गणतन्त्र

१६औं गणतन्त्र दिवस नौबहिनी गाउँपालिकाले पनि मनाएको छ । गणतन्त्र दिवसको अवसरमा नौबहिनी गाउँपालिकाले सोमबार...

झिमरुक बिजुली–लिफ्ट खानेपानी आयोजनाको काम अघि बढ्ने

आयोजनाको स्टीमेटमा समस्या भएर रोकिएको झिमरुक बिजुली लिफ्ट खानेपानी आयोजना निर्माणको काम अघि बढ्ने भएको...

प्यूठानमा गाडी दुर्घटना

प्यूठानमा गाडी दुर्घटना भएको छ । स्वर्गद्धारी नगरपालिका ६ देउराली बाट बिजुवारको लागि छुटेको लु...

प्यूठानमा मेकानिकल सहितको ट्राफिक चेकजाँच

हुनसक्ने सडक दुर्घटना रोक्न र न्यूनीकरण गर्नको लागि प्यूठानमा ट्राफिक प्रहरीले मेकानिकल चेकजाँच अभियान सुरु...

हामिस‌ग जोडिनुहोस।

समाचार सुचना र मनोरञ्जनका लागी