तीन दिनदेखि लगातार परेको अविरल वर्षाका कारण आएको पहिरोले प्यूठान नगरपालिका ८ स्थित बाग्दुला बाहाने सडक खण्डको माथिल्लो भागमा रहेका फलफूल पसलमा क्षति भएको छ । पहिरोले पाँच वटा पसलहरु पुरेको छ ।
खोका राखेर फलफूल व्यावसाय गर्ने पॉच जना व्यवसायीको पसल आइतबार दिउँसो एक्कासी आएको पहिरोले पुरेको हो । स्थानीय रिता पण्डित, राजेश वली, स्याउलीवाएँ पसल, लगायतको फलफुल तथा किराना पसलमा क्षति पुर्याएको प्रहरीले जनाएको छ ।
त्यसैगरी यसअँघि आएको पहिरोले गंगा फलफुल तथा किराना पसल सँगै रहेको अर्को पसलमा पनि क्षति पुर्याएको थियो । धर्मावती सामुदायिक वन उपभोक्ता समितिलाई भाडा तिरेर स्थानीयले सडक किनारमा पसल गर्दै आएका छन् । पसल राखिएको स्थान भन्दा माथि जंगल छ । जंगलमा ठूलाठूला रुखहरु छन् । गत वर्ष चिउरीको ठूलो रुख ढलेर एउटा जीपलाई क्षति पुर्याएको थियो । कच्चि ठाउँ भएकाले यहाँ वर्षेनी पहिरो जाने स्थानीयले बताउँछन् ।
भिडियो हेर्न यहाँ क्लिक गर्नुहोला ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
