पछिल्लो समय प्यूठानमा बिद्युत आउने जाने समस्या धेरै बढेको छ । दैनिक ५० देखि ६० पटक सम्म विद्युत जान थाले पछि सेवाग्राहि हैरान भएका छन । बिद्युतबाट संचालन हुने विभिन्न उद्योग धन्दाहरु संचालन हुन नसकेको सेवाग्राहि बताउछन । बिद्युत मिनेट मिनेटमा जान थालेपछी व्यवसाय संचालनमा समस्या भएको प्यूठान नगरपालिका ३ व्यबसायी हेमन्त पाठकले बताए ।

प्युठानबाट उत्पादन हुने विद्युतले प्यूठान,रोल्पा,दाङ,अर्घाखाचिमा संचाल भएको छ । उत्पादन हुने विद्युत धेरै ठाउँमा विस्तार भएको हुनाले यस्तो समस्या भएको नेपाल विद्युत प्राधिकरण जुम्री वितरण केन्द्रका कार्यलय प्रमुख लोकबहादुर खड्काले बताए । पछिल्लो समय विद्युत जानुको मुख्य समस्या भनेको एउटा सवस्टेसनबाट धेरै ठाउँमा विद्युत विस्तार हुनु र अर्घाखाचिको विद्युत विस्तारले प्यूठानमा समस्या बढी देखिएको खड्का को भनाई छ ।

एकै ठाउँबाट विस्तार भएको विद्युत बर्खाको समयमा पहिरो जान्छ खड्काले भने “ एक ठाउँमा विग्रीयो भने सवै ठाउँ विद्युत अवरोध हुन्छ ।” पछिल्लो समय पावोर हाउसमै समस्या देखिएको खड्काले बताए । प्यूठान नगरपालिका ८ दम्तीमा निर्माण भएको सवस्टेसन सञ्चालन गर्न पहल भइरहेको कार्याल्यले जनाएको छ । ‘पुराना पोल हटाएर नयाँ राख्ने काम भइरहेको छ,’ खड्काले भने,‘ दुइ तिन महिना पछी सवस्टेसनको काम सम्मपन्न भए बिद्युत आउनेजाने समस्या हल हुन्छ ।’