२०७८ असोज १३चाडपर्वको समयमा मात्र बजार अनुगमन गर्ने चलनले गर्दा उपभोक्त सधै ठगिन परेको छ । सरोकारवाला निकायले नियमित बजार अनुगमन नगनार्ले मुख्य बजार केन्द्रहरूमा अखाद्य वस्तु बिक्री गर्ने, अनुमति नभएको ढक तराजु प्रयोग, मूल्यसूची नराखी व्यवसाय सञ्चालन लगायत कार्य भइरहेका छन् । व्यपारीले मुल्यसूची नै अध्यावधिक गरेका छैनन् । बजारमा बढी मात्रामा जङ्क फुडहरू म्याद गुज्रिएका विक्री बितरण भइरहेका छन् ।
जिल्लाको प्रमुख व्यापारिक केन्द्र बाग्दुला, बिजुवार, भिंगृ, जुम्री बजार, दाखाक्वाडी, चेरनेटा र देवीस्थान लगायत बजारी क्षेत्रमा अखाद्य वस्तुहरु विक्री बितरण भइरहने उपभोक्ताहरुका गुनासा छन् ।
अनुगमनका क्रममा स्वर्गद्वारी पेट्रोल पम्पहरुले पनि मेसीन सेटिङ मिलाएर कम विक्री गर्दै आएको गुनासा धेरै छन् । यस्तै पसल, कम्पनी दर्ता नगरी सञ्चालन गर्नेहरु पनि धेरै छन् ।
जिल्लामा उपभोक्ताहरू ठगिएको गुनासो धेरै आइरहेपनि स्थानीय सरकार, प्रशासनले संयुक्त अनुगमन समय समयमा गरेको पाइदैन ।वाणिज्य तथा आपूर्ति मन्त्रालय अन्तर्गतको अनुगमन टोली जिल्लामा छैन ।
यसले पनि बजार अनुगमन प्रभाबकारी हुन नसकेको हो । जिल्ला प्रशासन कार्यालयले स्थानीय तह, नापतौल विभाग, औषधि व्यवस्था विभाग र खाद्य प्रविधि तथा गुण नियन्त्रण कार्यालयसंग समन्वय गरेर अनुगमनलाई नियमित गराउन सक्ने हो भने उपभोक्ता ठगिन पर्दैनथ्योकी ?
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
