झुलेनी नेटवर्क २०७८ असोज १५
२०७८ असोज १५सल्यानमा जिपको ठक्करबाट दुई जनाको मृत्यु भएको छ ।
घाइते भएका ५ जना छात्रा मध्यबाट गम्भीर घाइते भएका शारदा नगरपालिका ६ निवासी १७ वर्षिय रेखा बुढाथोकी र सोही ठाउँ निवासी २१ वर्षिय सुनिता नेपालीलाई उपचारका लागि राप्ती प्रादेशिक अस्पताल तुलसीपुरमा ल्याउदै गर्दा बाटोमा मृत्यु भएकोे इलाका प्रहरी कार्यालय तुलसीपुरका प्रहरी निरीक्षक झलक शर्माले जानकारी दिएका छन् ।
बाग्चौरबाट खलंगा आउँदै गरेको लु २ च ५७०१ नम्बरको जिपले ठक्कर दिँदा शिवजन मावि सितलपार्टीमा अध्ययनरत पाँच जना छात्रा गम्भीर घाइते भएका हुन् । शुक्रबार बिहान १० बजे विद्यालय जादै गर्दा राप्ती राजमार्ग अन्तर्गत शारदा नगरपालिका–२ बाङ्गेसल्ला भन्ने स्थानमा सल्लाको छहारीमा सितलमा उभिएका छात्राहरुलाई जिपले ठक्कर दिएको थियो ।
हाम्रा सामाग्रीहरू झुलेनी युनाइटेड नेटवर्क प्रा.ली. द्वारा सञ्चालित निम्न सञ्चारमाध्यममा हेर्न, पढ्न र सुन्न सकिन्छ ।
