प्यूठान, जुवातास खेलिरहेको बेला बिजुवार जुम्रीबाट पक्राउ परेका ९ जना जुवाडेको थप अनुसन्धानको लागि भन्दै प्रहरीले ७ दिनको म्याद थप गरेको छ।
प्युठान नगरपालिका वडा नं. ४ नयाँबजार जुम्रीमा रहेको ऐरावति होटलबाट विशेष सुचनाको आधारमा पक्राउ परेका ९ जनालाई ७ दिनको म्याद थप गरि अनुसन्धान प्रक्रिया अगाडि बढाएको जिल्ला प्रहरी कार्यालय प्युठानका प्रमुख सुनिल मल्लले जानकारी दिए।

पक्राउ परेका ९ जनालाई मुलुकी अपराध संहिताको परिक्षेद ५ को दफा १२५ अन्तगर जुवा खेल्ने र खेलाउनेलाई पहिलो पटक ३ महिना सम्म कैद वा ३० हजार जरिवाना हुने कानुनी प्रावधान रहेको छ। एक जना प्रहरी जवान समेत रहेकोले थप विभागि कार्वाहि समेत हुने प्रहरीको भनाई छ।
जुवाडेहरुबाट प्रहरीले १ लाख ६५ हजार नगद, ७ थान मोवाइल सेट बरामद गरेको थियो।